Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO sotyna jańa tóraǵa taǵaıyndaldy

2021 jyldyń 2 jeltoqsan 2021 13:58

PETROPAVL. QazAqparat – Soltústik Qazaqstan oblysynyń sotyna jańa tóraǵa taǵaıyndaldy. Qazaqstan Respýblıkasy Prezıdentiniń Jarlyǵymen bul qyzmetti Erbol Janǵazın atqarmaq, dep habarlaıdy QazAqparat tilshisi.

Búgin SQO sotynyń jańa tóraǵasyn QR Joǵarǵy Sotynyń ákimshilik ister jónindegi sot alqasynyń tóraǵasy Qanat Mýsın tanystyrdy. Іs-sharaǵa oblys ákimi Qumar Aqsaqalov, óńirdegi quqyq qorǵaý organynyń jetekshisi, oblystyq jáne aýdandyq sottyń sýdıalary qatysty.

Erbol Janǵazın 1961 jyly Shyǵys Qazaqstan oblysynyń Kúrshim aýdanynda dúnıege kelgen. 1987 jyly Qazaq memlekettik ýnıversıtetin zańger mamandyǵy boıynsha támamdaǵan. 1995 jyldan bastap Almaty qalasynda sýdıa, Alataý aýdandyq sotynyń tóraǵasy, Pavlodar oblystyq, Shymkent qalalyq sotynyń qylmystyq ister boıynsha sot alqasynyń tóraǵasy bolyp jumys istedi.

Al buǵan deıin SQO sotyn basqarǵan Erlan Aıtjanov Almaty qalalyq sotynyń tóraǵasy laýazymyna taǵaıyndaldy.


Joǵary qaraı