Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO polıtsııasynda 600-ge jýyq áıel-ofıtser qyzmet atqarady

2021 jyldyń 12 qazan 2021 21:27

PETROPAVL. QazAqparat – Soltústik Qazaqstan oblysynda 2 myńnan astam polıtsııa qyzmetkeri bolsa, sonyń 600-ge jýyǵy ofıtser-áıelder, dep habarlaıdy QazAqparat tilshisi.

SQO Polıtsııa departamenti baspasóz qyzmetiniń málimetinshe, óńirde quqyqtyq tártipti saqtaýda áıel-ofıtserler er azamattarmen qatar qyzmet atqarady. Polıtsııa departamentinde 583 áıel-ofıtser bar, onyń 373-i attestattalǵan qyzmetker bolsa, 195-i - erikti jaldamaly, qalǵandary - ákimshilik memlekettik qyzmetkerler. Olardyń kóbi áıelderge tán tabandylyq, nazar aýdarý, sezimtaldyq syndy qasıetter talap etiletin tergeý bólinisterine, ıývenaldyq polıtsııada, krımınalıstıka jáne basqa da qyzmetterde eńbek etedi.

«Áıelder eńbek jolyn qatardaǵy qyzmetkerden bastap, basshy laýazymyna deıin kóteriledi. Qyz-kelinshekter mamandyqty tańdaı otyryp, onyń qıyndyǵyna moıymaı, úlken jaýapkershilikpen qyzmet atqarady», - deıdi SQO PD bastyǵynyń orynbasary Qapez Dáýletbaev.




Polıtsııa departamentinde birneshe jyldan ber Áıelder keńesi jumys isteıdi. Onyń ókilderi qaıyrymdylyq sharalaryna qatysyp, kómekke muqtaj adamdarǵa baryp, qoldaý kórsetedi. Mysaly, qarttar kúnin merekeleý aıasynda Áıelder keńesi «meıirimdilik pen qurmet kúni» aktsııasyn ótkizdi. Polıtsııa qyzmetkerleri Uly Otan soǵysy ardagerleriniń eki jesirine, ishki ister organdarynyń ardagerlerine, on bir tyl eńbekkerine jáne bes múgedekke kómek kórsetti. Olarǵa azyq-túlik salynǵan paketter tabystalyp, sharýashylyǵyna kómek kórsetildi. Qamqorlyqqa alynǵan adamdardyń densaýlyǵyn tekserý úshin polıtseılermen birge vedomstvonyń emhanasy bar gospıtal qyzmetkerleri de baryp qaıtty.





Joǵary qaraı