Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO polıtseıleri úsh kúnde alıment tóleýden jaltarǵan 13 adamdy anyqtady

2021 jyldyń 21 qyrkúıek 2021 03:15

PETROPAVL. QazAqparat – Soltústik Qazaqstan oblysy polıtsııa departamenti kóshi-qon qyzmeti basqarmasynyń qyzmetkerleri úsh kún ishinde alıment tóleýden jaltarǵan 13 adamnyń júrgen jerin anyqtady, dep habarlaıdy QazAqparat tilshisi.

SQO PD baspasóz qyzmetiniń málimetinshe, Petropavlda polıtseıler 2017 jyldan bastap 5 jasar ulyna alıment tólemeı júrgen 30 jastaǵy qala turǵynynyń júrgen jerin anyqtady. Alıment tólemeýshiniń turǵylyqty jeri týraly aqparat sot oryndaýshyǵa berildi. Sondaı-aq, kóshi-qon qyzmeti basqarmasynyń qyzmetkerleri úsh boryshker men týystyq baılanysynan aırylǵan eki adamnyń ornyn anyqtady.

«Úsh kún ishinde izdeýde júrgen osy sanattaǵy azamattardyń turǵylyqty jerin anyqtaý boıynsha jumys kúsheıtildi. Barlyq aqparat odan ári zańnamamen belgilengen sharalardy qabyldaý úshin izdestirýge bastamashylyq etkenderge berildi. Eger bul týystyq baılanysyn joǵaltqan azamattardy izdeýge qatysty bolsa, onda aqparatty ótinish berýshiler alady», - deıdi SQO Polıtsııa departamenti kóshi-qon qyzmeti basqarmasynyń bastyǵy Talǵat Ábilov.

Sonymen qatar, kóshi-qon qyzmetiniń qyzmetkerleri sońǵy eki aı boıy anasymen baılanysqa shyqpaǵan áıeldiń júrgen jerin anyqtady.
Osyǵan uqsas jaǵdaı petropavldyq zeınetkerde de bolǵan. 42 jastaǵy ulynan habar bolmaǵandyqtan áıel polıtseılerdiń kómegine júgindi.


Joǵary qaraı