Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO polıtseıleri shomylý maýsymy bastalǵaly sý qoımalaryna 700 reıd júrgizdi

2021 jyldyń 14 maýsym 2021 20:15

PETROPAVL. QazAqparat – Soltústik Qazaqstan oblysynda polıtseıler oqys oqıǵalardyń aldyn alý maqsatynda ózen-kólderge reıdke shyǵyp turady. Osyndaı jumystyń nátıjesinde belgilenbegen jerde sýǵa shomylýdyń 25 deregi tirkeldi, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, sýǵa shomylý oryndaryna reıd júrgizý – polıtseılerdiń jaz kezindegi jumysynyń biri.

Tártip saqshylary tótenshe jaǵdaılar qyzmetimen birlese arnaıy jabdyqtalmaǵan jaǵajaılardy tekseredi.

SQO-da ystyq kúnder bastalǵaly 700-ge jýyq reıd júrgizilip, belgilenbegen jerde sýǵa shomylýdyń 25 deregi tirkeldi.

Talapty buzǵandarǵa birinshi ret eskertý jasaldy. Al quqyq buzýshylyq bir jyldyń ishinde qaıtalanyp jasalsa, 2 AEK mólsherinde aıyppul salynbaq.

Budan bólek, qalalyq jaǵajaıda kúnde ıývenaldyq polıtseıler kezekshilik atqarady.

Olar jaǵajaıǵa zańdy ókilderinsiz keletin balalarmen profılaktıkalyq áńgime júrgizip, eresekterdiń baqylaýynsyz sýǵa túsýdiń qaýpin túsindiredi.

Sondaı-aq polıtseıler ata-analarmen áńgimelesip, balalardy qaraýsyz qaldyrmaýǵa shaqyrady.

«ıÝvenaldyq polıtseıler de belgilenbegen jerler boıynsha reıdter júrgizedi. Ata-analar jaǵaǵa balalarymen kelip, spırttik ishimdikter ishedi, bul alańdatarlyq jaǵdaı. Jaǵada alkogol iship demalýǵa bolmaıtynyn umytpaǵan jón. Soltústikqazaqstandyqtardy arnaıy jabdyqtalǵan oryndarda sýǵa túsýge, jaǵajaıda ishimdik ishpeýge jáne ómirlerin qaýipke tikpeýge shaqyramyz», - dep habarlaıdy SQO PD Jergilikti polıtsııa qyzmeti basqarmasy bastyǵynyń mindetin atqarýshy polıtsııa podpolkovnıgi Grıgorıı Tysh.


Joǵary qaraı