Aýa raıy
Astana -11 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

SQO polıtseıleri kólik urylarynyń artynan qýǵyn uıymdastyrdy

2020 jyldyń 24 qarasha 2020 18:33

PETROPAVL. QazAqparat – Soltústik Qazaqstan oblysynda urylar aýlada turǵan kólikti aıdap áketip, polıtseıler olardy ustaý úshin qýǵyn uıymdastyrdy, dep habarlaıdy QazAqparat tilshisi.

SQO Polıtsııa departamenti baspasóz qyzmetiniń málimetinshe, Petropavldaǵy N.Nazarbaev kóshesindegi aýlalardyń birinen «Toyota Land Cruiser» avtokóligi joǵalǵan. Onyń ıesi túnde mashınasyn ornynan tappaı, birden «102» arnasyna qońyraý shalady.

Baǵdar birden barlyq beketter men avtopatrýlderge jiberildi. Polıtseıler jol talǵamaıtyn kólikti tabý úshin joldardy, ormandar men dala joldaryn baqylaýǵa aldy. Nátıjesinde aıdap áketken djıpqa uqsas kólik Bogolıýbovo aýylyna aparar jolda tabyldy. Jyldamdyqty asyryp ótken kóliktiń sońynda sur «Aýdı» bolǵan. Onyń júrgizýshisi polıtseılerdiń jolyn kes-kestep, kedergi jasaǵan. Sońyna túsip qýý nátıjesinde polıtseıler Esil aýdany Pokrovka aýylynyń 1995 jylǵyn turǵynyn «Toyota Land Cruiser» kóliginde ustady. Ol buryn isti bolǵan.


Esil aýdanynyń 2 turǵyny qymbat kólikti aıdap áketýge muqııat daıyndalǵan. Olar tún jarymda unaǵan kólikke ózderiniń akkýmýlıatoryn salyp, kózge túspeı aýladan shyǵyp ketedi. Qolǵa túsken kúdiktiniń aıtýynsha, olar bir-eki ret qymbat kólikti habarlandyrýdan kórgen. Keıin túnde kelip, artqy esiginiń kiltin syndyryp, ishine kirgen. Uqsas kiltpen ot aldyryp, úılerine – Pokrovkaǵa barmaq bolypty.





Al «Aýdı» kóligi Novonıkolskoe aýylynyń mańyndaǵy ormanda jasyrylǵan jerinen tabyldy. Onyń júrgizýshisi - Pokrovka aýylynyń 1986 jyly týǵan turǵyny. Buryn sottalǵan oǵan polıtseıler izdeý jarııalady.

Atalǵan fakti «Іri kólemde jasalǵan urlyq» baby boıynsha sotqa deıingi tergep-tekserýdiń biryńǵaı tizilimine engizildi.


Joǵary qaraı