Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-nyń Esil aýdanyna jańa ákim taǵaıyndaldy

2021 jyldyń 18 maýsym 2021 18:45

PETROPAVL. QazAqparat – Soltústik Qazaqstan oblysynda Esil aýdanyna jańa ákim taǵaıyndaldy, dep habarlaıdy QazAqparat tilshisi.

Esil aýdanynyń ákimi bolyp Medet Ospanov taǵaıyndaldy. Bul aýdannyń burynǵy ákimi ońtústik óńirlerden kóship kelýshilerge arnalǵan úılerdiń sapasyz salynýyna baılanysty ornynan alynǵan edi.

Medet Dýlatuly 1985 jyly 20 sáýirde SQO Shal aqyn aýdany Jańasý aýylynda dúnıege kelgen.




M. Qozybaev atyndaǵy Soltústik Qazaqstan memlekettik ýnıversıtetin «Tarıh, ekonomıka jáne quqyq negizderi» mamandyǵy boıynsha, Qazaqstan-Reseı ýnıversıtetin «Ekonomıka» mamandyǵy boıynsha bitirgen.

Eńbek jolyn 2006 jyly Petropavldaǵy «Ál-Farabı atyndaǵy №18 qazaq orta mektep-lıtseıi» KMÝ tarıh muǵalimi bolyp bastady.

2007 jyly «Soltústik Qazaqstan oblysynyń ishki saıasat departamenti» MM bas mamany boldy.

2007-2011 jyldar aralyǵynda Soltústik Qazaqstan oblysy ákimi orynbasarynyń kómekshisi bolyp eńbek etti.

2011-2014 jyldar aralyǵynda Shal aqyn aýdany ákimi apparatynyń basshysy bolsa, 2015-2017 jyldary Taıynsha aýdany ákimi apparatynyń basshysy, ákimniń aýyl sharýashylyǵy jáne kásipkerlik máseleler jónindegi orynbasary laýazymynda eńbek etti.

2017-2020 aralyǵynda Ýálıhanov aýdanyn basqarsa, Esil aýdany ákimi bolǵanǵa deıin SQO ákimdiginiń kásipkerlik jáne ındýstrııaly-ınnovatsııalyq damý basqarmasynyń basshysy boldy.


Joǵary qaraı