Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-daǵy aýylda 6 úı órtengende turǵyndarǵa 8,5 mln teńge shyǵyn keldi

2021 jyldyń 4 mamyr 2021 20:15

PETROPAVL. QazAqparat – Soltústik Qazaqstan oblysy Jelıakovo eldi mekeninde bolǵan órtte 6 turǵyn úı men qora-qopsylardan bólek, maly, úı qustary da janyp ketti, dep habarlaıdy QazAqparat tilshisi.

SQO Tótenshe jaǵdaılar departamentinde ótken brıfıngide Qyzyljar aýdany Jelıakovo eldi mekeninde bolǵan órtke qatysty mamandar aqparat berdi.

«Turǵyndardan surastyrý kezinde 8,5 mln teńgeniń shyǵyny keltirilgeni anyqtaldy. Órt kezinde bir iri qara mal, 4 toraı, 40 taýyq pen 4 qaz qyryldy. Órt shalǵan aýmaq – 950 sharshy metr. Úsh turǵyn úı jáne 3 bos turǵan úı, eki qora-qopsy órtendi. Bizge bastapqyda «eki buzaý janyp ketti» dep aıtty. Al keshke qaraı turǵyndar maldarynyń tabylǵanyn aıtyp habarlasty. Sondaı-aq keıbiriniń áli kúnge ıtteri tabylmaı jatyr. Qashyp ketken eken», - deıdi Qyzyljar aýdandyq Tótenshe jaǵdaılar boıynsha bólimniń bastyǵy Aslan Ahmetjanov.

Vagýlıno aýyldyq okrýginde úılerdiń ortasha baǵasy – 500-700 myń teńge shamasynda. Eki otbasy sol aýyldaǵy bos úılerge kóship kirmek.

«Bireýi sol aýylda bos turǵan úıge kóship kirdi. Olar sol úıdi shamamen 500 myń teńgege satyp almaq. Ekinshi otbasyǵa ýaqytsha baspana berildi. Olar da sol aýyldan úı satyp alýdy josparlap otyr. Al úshinshisi jalǵyzbasty zeınetker. Ol Aqqaıyń aýdanyndaǵy qarttar úıine baratyn bolyp sheshti», - deıdi Aslan Ahmetjanov.

Órtke qatysty Qyzyljar aýdandyq polıtsııa bólimi «Bótenniń múlkin abaısyzda joıý nemese búldirý» baby boıynsha qylmystyq is qozǵady. Qazir tergeý amaldary júrgizilip jatyr. Órt-tehnıkalyq saraptama taǵaıyndalyp, órttiń shyǵý sebebi anyqtalady. Materıaldyq shyǵyn kólemi eseptelip, órttiń shyǵýyna sebepker tulǵa izdestiriledi.

Esterińizge salaıyq, 2 mamyr kúni SQO-nyń Jelıakovo aýylynda qýraǵan shópke ot qoıǵanda, órt aýylǵa kirip, 6 úı janyp ketken edi. Óńir basshysy Qumar Aqsaqalov órtten zardap shekkenderge kómek kórsetiletinin aıtty.


Joǵary qaraı