Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

SQO-da jyl basynan beri 700-den astam adam jelsheshekpen aýyrǵan

2022 jyldyń 20 mamyr 2022 06:39

PETROPAVL. QazAqparat – Soltústik Qazaqstan oblysynda bıyl jelsheshek juqtyrǵandar kúrt artty. Ótken jylmen salystyrǵanda aýyrǵandar sany 2,3 ese ósken, dep habarlaıdy QazAqparat tilshisi.

SQO sanıtarııalyq-epıdemıologııalyq baqylaý departamenti baspasóz qyzmetiniń málimetinshe, jyl bastalǵaly jelsheshekti juqtyrýdyń 712 jaǵdaıy tirkelgen.

Ótken jyldyń uqsas kezeńimen salystyrǵanda bul 2,3 ese kóp.

Aýyrǵandardyń basym bóligi - 14 jasqa deıingi balalar, ıaǵnı 635 jetkinshek jelsheshek juqtyrǵan.

Jalpy jelsheshek - aýa-tamshy arqyly taralatyn, dene qyzýyn kóterip, bórtpe shyǵatyn jiti ınfektsııalyq aýrý.

Vırýs aýrý adamnan juǵady, sondyqtan aýrý bastalǵanda saý adamdarmen baılanysty shekteý óte mańyzdy.

Sondyqtan siz nemese balańyz aýyryp qalsa, mektepke, balabaqshaǵa nemese jumysqa barmaǵan durys.

Inkýbatsııalyq kezeń 10-nan 21 kúnge deıin sozylady.

Aýrý bastalǵanda aldymen dene temperatýrasy 39-40 gradýsqa deıin kúrt kóterilip, bas aýyrady. Jelsheshektiń eń aıqyn belgisi – bórtpe shyǵyp, onyń qyshýy.

Úıde qyshyma paıda bolǵansha deıin otyrý kerek, bul teride vırýstyń joqtyǵynyń belgisi. Ádette ol daqtar shyqqannan keıin 5 kúnnen soń paıda bolady.

«Jelsheshekpen aýyrǵanda kóbirek suıyqtyqty - sý, shaı, shyryndar jáne jeńil sorpalardy ishken durys. Eger aýyrsynsańyz jáne uıyqtaı almasańyz, paratsetamoldy qoldanyńyz. Kishkentaı balanyń tyrnaqtaryn alyp, ásirese túnde ol ózin tyrnap almaýy úshin qolyna qolǵap kıgizińiz. Qyshynýdan balalarǵa antıgıstamındi preparattardy berýge bolady. Gıgıenaǵa keletin bolsaq, jyly, biraq ystyq emes dýsh qabyldaǵan durys, sodan keıin terini qurǵatyp, bórtpe jazylǵansha bos kıim kıgen jón», - deıdi sanıtar dárigerler.

Mamandardyń aıtýynsha, eń bastysy – jaranyń betin ashpaý, tyrnamaý. Tyrtyqtar qalyp qoımaýy úshin terige tıispegen mańyzdy.

Eger dene qyzýy 39 gradýstan assa, bórtpe paıda bolsa, dárigerge shuǵyl túrde habarlańyz. Sondaı-aq, eger bala ózin nashar sezinse dárigerge kórsetińiz.

Balalarda jelsheshek eresekterge qaraǵanda jeńil ótedi. Jelsheshekpen aýyrǵan adamdarda osy ınfektsııaǵa ómirlik ımmýnıtet qalyptasady.

Alaıda, ımmýnıtet álsiz bolsa qaıta ınfektsııa juqtyrý qaýpi bar.


Joǵary qaraı