Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da júrginshiler jolaǵy arqyly joldy kesip ótpek bolǵan áıeldi kólik qaǵyp ketti

2021 jyldyń 15 qazan 2021 11:48

PETROPAVL. QazAqparat – Soltústik Qazaqstan oblysynda trassany arnaıy jolaq arqyly kesip ótpek bolǵan júrginshini jeńil kólik qaqty, dep habarlaıdy QazAqparat tilshisi.

Jol-kólik oqıǵasy Qyzyljar aýdany Beskól aýylynda boldy. Eldi mekendi eki bólip ótetin avtojoldy júrginshiler jolaǵy arqyly kesip ótpek bolǵan áıeldi jeńil kólik qaǵyp ketti. Apat ornynan túsirilgen beınejazba áleýmettik jelide tarady.

Qyzyljar aýdandyq polıtsııa bóliminiń málimetinshe, oqys oqıǵa 14 qazan kúni saǵat 18.30 shamasynda «Jezqazǵan-Petropavl» tas jolynyń 950 shaqyrymynda bolǵan. Volkswagen markaly jeńil kólik mingen 1952 jylǵy Petropavl turǵyny Beskól aýylynyń turǵyny 1973 jyly týǵan áıeldi qaǵyp ketti. Jol-kólik oqıǵasy jaıaý júrginshiler jolaǵynda boldy. Dene jaraqattaryn alǵan áıel medıtsınalyq mekemege jetkizildi.

Bul fakti sotqa deıingi tergep-tekserýlerdiń biryńǵaı tizilimine «Kólik quraldaryn júrgizýshilerdiń jol júrisi nemese kólik quraldaryn paıdalaný qaǵıdalaryn buzýy» baby boıynsha engizildi.

Oqıǵa ornynda Qyzyljar aýdandyq polıtsııa bóliminiń jedel-tergeý toby jumys istedi. Sotqa deıingi tergeý barysynda polıtseıler istiń mán-jaıyn anyqtap jatyr. Tıisti saraptamalar taǵaıyndaldy.


Joǵary qaraı