Aýa raıy
Astana -27 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da jolǵa shyǵyp ketken mal ıelerine 300-den astam aıyppul salynǵan

2020 jyldyń 30 qarasha 2020 03:30

PETROPAVL. QazAqparat – Soltústik Qazaqstan oblysynda baǵýsyz júrgen jylqy jolǵa shyǵyp ketip, saldarynan júk kóliginiń astyna tústi, dep habarlaıdy QazAqparat tilshisi.

SQO Polıtsııa departamenti baspasóz qyzmetiniń málimetinshe, «Petropavl-Nur-Sultan» tas jolynyń Taıynsha aýdany mańynda úıir jylqy baǵýsyz bos júrgen. Jylqynyń bireýi jolǵa atyp shyǵyp, «MAZ» kóliginiń astyna túsken. Júrgizýshi kólikti toqtatyp úlgermegen.

«Bul jaǵdaı Obýhovka aýylynyń mańynda tańǵy saǵat 8.00 shamasynda bolǵan. Aýyr júk kóliginiń júrgizýshisi bolǵan jaǵdaı týraly «102» nómirine habarlady. Polıtsııa qyzmetkerleri maldy qaraýsyz qaldyrǵan aýdan turǵynyn anyqtady», - deıdi Taıynsha aýdany polıtsııa bóliminiń bastyǵy Nurlyjan Aqtanov.

Maldy qaraýsyz bos jibergen Gorkıı aýylynyń turǵyny eken. Endi oǵan qatysty ákimshilik shara qoldanylyp, jaýapkershilikke tartylady. Eske sala keteıik, maldy jaıý erejesin buzǵandarǵa eskertý nemese aıyppul túrindegi jaza qarastyrylǵan.

«Jolda bos júrgen mal kólik júrgizýshilerine úlken qaýip tóndiredi. Qańǵyrǵan túlik kólik astyna túsip, tek materıaldyq shyǵyn ákelip qana qoımaı, sonymen qatar adam ólimine sebepshi bolýy múmkin. Osy sebepti únemi mal ıesine túsindirý jáne eskertý jumystary júrgiziledi», - deıdi Nurlyjan Aqtanov.

Bıyl SQO-da 300-den astam adamǵa mal jaıý erejesin buzǵany úshin aıyppul salyndy. Janýarlardyń saldarynan bolǵan jol-kólik oqıǵalarynan eki adam jaraqat aldy.


Joǵary qaraı