Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da joldy sapasyz jóndegen kompanııa 2 jyl sot sheshimin oryndamaı otyr

2021 jyldyń 19 qazan 2021 23:20

PETROPAVL. QazAqparat – Soltústik Qazaqstan oblysynda monıtorıngilik top Jambyl aýdanyndaǵy «Presnovka-Blagoveenka-Kaırankól KT-32» oblystyq avtojolynyń sapasyn tekserdi, dep habarlaıdy QazAqparat tilshisi.

«Qyzyljar – adaldyq alańy» jobalyq keńsesiniń málimetinshe, qoǵamdyq baqylaý aıasynda keńse ókilderi, oblystyq Jolaýshylar kóligi jáne avtomobıl joldary basqarmasy jáne Jol aktıvteri sapasy ulttyq ortalyǵynyń fılıaly SQO Jambyl aýdanyndaǵy «Presnovka-Blagoveenka-Kaırankól KT-32» oblystyq avtojolynyń buǵan deıin jóndelgen 17 km ýchaskesiniń sapasyna monıtorıng júrgizdi.





Bul ýchaskede «Kaz Fortis» JShS merdiger kompanııasy ortasha jóndeý júrgizgen bolatyn. Jumystar 2019 jyldyń maýsym aıynda bastalyp, sol jyldyń qazan aıynda aıaqtaldy.

Buǵan deıin «Sapaly jol» jobasy aıasynda ýchaske boıynsha birqatar olqylyq anyqtalǵan edi. Іs sotqa deıin jetip, sot úkimi boıynsha merdiger kompanııa 2021 jyldyń qazan aıynyń sońyna deıin joldy jónge keltirýi tıis boldy.




Osy joly monıtorıng barysynda asfalttyń qurylysy, onyń quramy jáne jobaǵa sáıkestigi zertteldi. Nátıjesinde Jol aktıvteri sapasy ulttyq ortalyǵynyń fılıaly taǵy da olqylyqtardy anyqtady: alynǵan úlgiler tıisti qalyńdyqtan juqa, jańadan salynǵan asfaltbetonnyń bir bóligi qazirdiń ózinde úgitilip jatyr, al kepildik berilgen asfaltbetonnyń bir bóligi jóndelmegen.

Tapsyrys berýshi merdiger kompanııaǵa eskertýler jiberip, ony joıýǵa ýaqyt berdi. Aqaýlardy túzetý boıynsha sot sheshimi oryndalmaǵan jaǵdaıda, árbir oryndalmaǵan kún úshin 10 AEK mólsherinde ósimpul esepteledi. Sot úkimi qasaqana oryndalmaǵan jaǵdaıda qylmystyq jaýapkershilikke tartylýy múmkin.





Joǵary qaraı