Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da joǵalǵan 29 jastaǵy jigit aman-esen tabyldy

2021 jyldyń 29 shilde 2021 10:05

PETROPAVL. QazAqparat – Soltústik Qazaqstan oblysynda úıden týystaryna aıtpaı ketip, joǵalǵan 29 jastaǵy jigit aman-esen tabyldy, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, jigit týǵan-týystarymen sózge kelip, úıden ketip qalǵan. Sol kúni mas bolǵan eken. Іshimdiktiń býyna elitken ol jaıaý Aıyrtaý aýdanynyń ortalyǵy Saýmalkólge bet túzeıdi.

Adasyp, sharshap-shaldyqqan jigitti Aıyrtaý aýdanyndaǵy qambalardyń biriniń kúzetshileri baıqap, polıtsııaǵa habar bergen.

«Kúzetshiler jigitti ózderine ákelip, jýyndyryp, tamaqtandyrǵan. Keıin izdeýde bolýy múmkin degen oımen polıtsııaǵa habar bergen. Joǵalǵan adam jaıynda baǵdar oblystyń barlyq polıtsııa bólimderi men bólinisterine beriledi. Olar jigittiń 22 shildeden beri izdeýde júrgenin anyqtady», - deıdi SQO polıtsııa departamenti baspasóz qyzmetiniń ınspektory Nurbek Baekın.

Buǵan deıin 29 jastaǵy jigittiń Shal aqyn aýdany Eńbek aýylynan belgisiz jaqqa ketip, tabylmaı jatqanyn habarlaǵan edik.


Joǵary qaraı