Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da jazasyn óteýshi áıelder florıst mamandyǵyn meńgerip jatyr

2021 jyldyń 15 qyrkúıek 2021 17:11

PETROPAVL. QazAqparat – Soltústik Qazaqstan oblysynda áıelder kolonııasynda jazasyn óteýshiler sándi kásip – florıst mamandyǵyn alyp shyǵady, dep habarlaıdy QazAqparat tilshisi.

SQO boıynsha qylmystyq atqarý júıesi departamenti baspasóz qyzmetiniń málimetinshe, ES-164/6 mekemesinde sottalǵan áıelderge arnalǵan orta mektep pen qosa kolledj de óz jumysyn jalǵastyryp jatyr. Petropavl kásiptik kolledjinde áıelder kolonııasynan 45 adam oqıdy. Bul jerde negizinen eńbek naryǵynda suranysqa ıe jumysshy kásipterge – sylaqshy-syrlaýshyǵa, tiginshi, qaptaýshy-plıtashy jáne t.b. mamandyqtarǵa oqytyp shyǵady. Jańa oqý jylynda olardyń qataryna jańa mamandyq «florıstıka» qosyldy. Ony 11 sottalǵan meńgerip jatyr. 10 aıdan keıin qyz-kelinshekter qoldaryna memlekettik úlgidegi dıplomdaryn alady.

«Florıst mamandyǵyn alyp shyqqandar keıin aýlalardy, qala kóshelerin kógaldandyra alady. Olar ósimdik túrlerin, olarmen qalaı jumys isteý qajettigin meńgerip shyǵady. Bul mamandyqty sýret salýǵa beıimi bar sottalýshylar tańdady», - deıdi SQO boıynsha QAJD bastyǵy Rýstan Ahmetjanov.

Bıyl SQO boıynsha QAJD mekemelerinde 9 synypqa - 8, 10 synypqa - 38, 11 synypqa - 26 sottalǵan bardy.

«Bizge túsken qyz-kelinshekterdiń kóbiniń mamandyq túgili, orta bilimi joq. Biz olardy aldymen mektepte oqytamyz, keıin kolledjderde bilimderin jalǵastyryp, mamandyq alyp shyǵady. Múmkindigine qaraı mekemede jumysqa ornalastyramyz. Bul jazasyn ótep shyqqannan keıin olardyń ortaǵa tez beıimdelýine kómektesedi. Kolledjderde suranysqa ıe mamandyqtardy oqytamyz, bul olardyń bostandyqqa shyqqanda jumysqa ornalasýyna sep bolady», - deıdi Rýstan Ahmetjanov.


Joǵary qaraı