Aýa raıy
Astana 4 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da jasóspirimder zıratty qıratqan

2020 jyldyń 14 qyrkúıek 2020 22:31

PETROPAVL. QazAqparat – Soltústik Qazaqstan oblysynda úsh jasóspirim birneshe molany buzyp, zırattyń qasyndaǵy shaǵyn shirkeýdiń terezesin syndyrdy, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, Aıyrtaý aýdanyndaǵy zırattaǵy qulpytas pen qorshaýdyń buzylǵanyn jergilikti turǵyndar baıqaǵan. Birden tártip saqshylaryn shaqyryp, aýdan polıtseıleri sotqa deıingi tergeý júrgizdi.

Jedel-tergeý tobynyń qyzmetkerleri 12 qulpytas pen qorshaýdyń buzylǵanyn tirkedi. Bir eskertkishke akrıl boıaýy quıylǵan. Budan bólek, zırat mańynda ornalasqan shaǵyn shirkeýdiń terezesi synǵan.











Polıtseıler qylmys jasady degen kúdikpen úsh oqýshyny ustady.

Birneshe kún buryn jasóspirimderdiń zırat jaqta júrgeni anyqtaldy. Olar ózderiniń bul buzaqylyqqa qatysty bar ekenin moıyndady. Balalardyń jasy 10-12-de ǵana.

«Sotqa deıingi tergep-tekserý barysynda qosymsha tergeý júrgizilýde, atalǵan amaldar aıaqtalǵan soń túpkilikti protsessýaldy sheshim qabyldanady. Ólgen adamdar jerlengen jerlerdi qorlaý faktisi Sotqa deıingi tergep-tekserýdiń biryńǵaı tizilimine engizildi», - deıdi Aıyrtaý aýdany PB bastyǵy Abylǵazy Ǵabdýllın.


Joǵary qaraı