Aýa raıy
Astana -3 °S
Almaty 7 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da zańsyz elik atqandar ustaldy

2020 jyldyń 15 qyrkúıek 2020 14:30

PETROPAVL. QazAqparat – Soltústik Qazaqstan oblysynda polıtseıler zańsyz elik atqan Esil aýdanynyń eki turǵynyn ustady, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, Esil aýdanynda «Gýsınoe» ańshylyq sharýashylyǵynyń qoryqshysymen birlesken reıd barysynda tártip saqshylaryna brakonerler týraly habar túsedi. Kýáger Torańǵul kóliniń mańyndaǵy egistikte bireýlerdiń avtokólikpen elikti qýyp júrip, atqanyn aıtqan.

Habarlama aýdandyq polıtsııa bólimine tapsyrylyp, oqıǵa ornyna jaqyn mańda júrgen Zagradovka men Bulaq aýyldyq okrýgteriniń ýchaskelik ınspektorlary jiberildi. Polıtseıler «Audi 80» jáne «VAZ 21060» avtokólikterin basqarǵan aýdannyń 25 jáne 20 jastaǵy eki turǵynyn ustady. Olardan eki ańshy pyshaǵy, 12 kalıbrli patron, pnevmatıkalyq tapansha men oq tıgen jáne aıaqtary synǵan eliktiń denesi alyndy. Bul derek «Zańsyz ańshylyq» baby boıynsha Sotqa deıingi tergep-tekserýlerdiń biryńǵaı tizilimine engizildi. Kúdiktilerge qatysty mindetti kelý túrindegi bultartpaý sharasy taǵaıyndaldy. Atys qarýy izdestirilip, keltirilgen shyǵyn somasy anyqtalýda.





«Kúzgi ań aýlaý maýsymy bastalǵaly orman sharýashylyǵymen birlesken reıd kúsheıtildi. Polıtsııa bólinisterin ań-qusty brakonerlik jolmen aýlaýdan qorǵaý mindeti qoıyldy. Jumys múddeli vedomstvolardyń ókilderimen birlese júrgizilip jatyr. Jyl basynan SQO-da ekologııa salasynda 14 qylmystyq is tirkelip, ań aýlaý qaǵıdalaryn buzýdyń 393 deregi anyqtaldy. Oblys turǵyndary kóbine qarýdy saqtaý, tasylmaldaý qaǵıdalaryn buzady. Olardyń ruqsat qujattary bolmaıdy», - deıdi SQO PD Jergilikti polıtsııa qyzmeti basqarmasynyń tabıǵatty qorǵaý polıtsııasy tobynyń aǵa ınspektory Ashat Qojabaev.





Joǵary qaraı