Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da úıde jalǵyz qalǵan 6 jasar bala órtten kóz jumdy

2021 jyldyń 2 naýryz 2021 16:30

PETROPAVL. QazAqparat – Soltústik Qazaqstan oblysynda ótken táýlikte úsh órt tirkeldi. Saldarynan 2 adam qaza taýyp, ekeýi kúıik aldy, dep habarlaıdy QazAqparat tilshisi.

SQO tótenshe jaǵdaılar departamenti basqarmasynyń bastyǵy Dmıtrıı Rastıhın brıfıngte ótken táýlikte óńir aýmaǵynda bolǵan órt jaǵdaılary týraly aıtyp berdi.

1 naýryz kúni saǵat 19.00 shamasynda Aqqaıyń aýdany Novorossııskoe eldimekenindegi eki páterli baspananyń bireýinen órt shyqty.

Órt shyqqan páter tolyq janyp ketip, ekinshisiniń qabyrǵalary zaqymdandy.

Órt sóndirýshiler kelgenshe oqıǵa ornynan 6 jasar balanyń denesi shyǵaryldy.

Áke-sheshesi jumysqa ketip, búldirshin úıde jalǵyz bolǵan eken.

Petropavldaǵy ors, 84 mekenjaıynda da órt shyǵyp, jeke úıge aıtarlyqtaı zaqym keldi.

Oqıǵa ornynan 1939 jyly týǵan adamnyń denesi tabyldy.

Al 1998 jyly týǵan er adamnyń qoldary kúıip, aýrýhanaǵa jetkizildi.

Medıtsınalyq kómek kórsetilgennen keıin ol úıine jiberildi.

Osy kúni Shal aqyn aýdany Sergeevka qalasyndaǵy Tsvetochnaıa, 26 kóshesindegi jer úıde gaz-aýa qospasynyń jarylysy bolyp, úıdiń tóbesi ortasyna tústi.




Órt shyǵyp, 1974 jyly týǵan áıel kúıik aldy. Onyń denesiniń 28%-yn kúıik shalǵan. Qazir jaǵdaıy ortasha.

«Jyl basynan beri SQO-da 138 órt bolyp, 22 adam qaza tapty. 29 adam túrli dene jaraqatyn aldy. 71 mln astam teńge materıaldyq shyǵyn kelgen. Órtterdiń 76%-y jeke turǵyn úı sektorynda bolǵan. Qaza tapqandardyń barlyǵy - sol jeke úı turǵyndary. Órt negizinen maskúnemdikke salynǵandardyń, jalǵyz turatyndardyń baspanasynan shyǵady. Sondaı-aq balalardy úıde jalǵyz qaldyryp ketýdiń arty qaıǵyly aıaqtalyp jatady», - deıdi Dmıtrıı Rastıhın.


Joǵary qaraı