Aýa raıy
Astana 1 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da úı qustaryna qus tumaýyna qarsy vaktsına egiledi

2020 jyldyń 17 qyrkúıek 2020 13:52

PETROPAVL. QazAqparat – Soltústik Qazaqstan oblysynda qus tumaýynyń taralýyna baılanysty úı qustaryna ekpe jasalady, dep habarlaıdy QazAqparat tilshisi.

SQO-da qus tumaýy ári qaraı taralmaýy úshin respýblıkalyq qordan 870 myń dana vaktsına ákelindi. Ekpe jumystary aýrý oshaqtarynda júrgiziledi jáne Reseımen shekaralas eldimekenderdiń barlyq qustary egiledi.

Qazir SQO-da aýrýǵa qarsy tıisti jumystardy júrgizý úshin jedel shtab qurylǵan. Onyń quramyna barlyq múddeli organdar kirdi. Qustary qyrylǵan turǵyndarǵa ótemaqy tólenbek.

«Ótemaqy tóleý úshin akt jasalady. Qus ıeleri derbes shot ashýlary kerek bolady. Sondaı-aq turǵyndardy qustary qyrylǵan jaǵdaıda bul derekti jasyrmaı, tıisti sharalardy qoldaný úshin bizge habarlaýǵa shaqyramyn.

ıAkor eldimekeninde de qus tumaýy anyqtalyp karantınge jabyldy. Mundaǵy qus fabrıkasynda jaǵdaı ázirge belgisiz», - deıdi SQO veterınarııa basqarmasynyń basshysy Berik Áljanov.

Basqarma basshysynyń aıtýynsha, turǵyndardyń habarlamasy negizinde SQO-da 7 myńnan astam qus qyryldy. Qazir esep qaıta júrgizilip jatyr. Ótemaqy tólenýine baılanysty qus ıeleri endi naqty derekterdi jasyrmaı aıtatyn bolady.

«Aýrý oshaǵy tabylǵan aımaqtan 8 shaqyrymdaı jerde karantındik is-sharalar qolǵa alynady. ıAǵnı aýrý qustar joıylyp, qalǵandaryna vaktsına egiledi. Turǵyndar arasynda túsindirý jumystary júrgiziledi. Karantınge alynǵan eldimekende 3 aımaq bolady. ıAǵnı aýrý oshaǵy, ekinshisi – býferlik aımaq jáne úshinshisi baıqaý aımaǵy. Alǵashqy ekeýinde vaktsınatsııa júrgizilse, úshinshisinde baqylaımyz», - QR AShM Veterınarlyq baqylaý jáne qadaǵalaý komıtetiniń oblystyq aýmaqtyq ıspektsııasynyń jetekshisi Marat Ibraev.

Buǵan deıin SQO-nyń 7 aýdanynda qus tumaýynyń oshaǵy anyqtalǵanyn, qus tumaýynyń beleń alýyna baılanysty 10 eldimekenniń karantınge jabylǵanyn aıtqan edik.



Joǵary qaraı