Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da tekserý júrgizilgen 40 joldyń 17-niń sapasy talapqa saı emes

2021 jyldyń 29 shilde 2021 12:16

PETROPAVL. QazAqparat – Soltústik Qazaqstan oblysynda joldardyń jaǵdaıyna qatysty ákimdik otyrysy ótti.

Bıyl óńirde joldyń sapasyn anyqtaýǵa qatysty 40 synama alynsa, sonyń 17-si talapqa saı bolmaı shyqqan, dep habarlaıdy QazAqparat tilshisi.

Jol aktıvteri ulttyq sapa ortalyǵynyń SQO fılıaly dırektorynyń orynbasary Arman Qaıyrbekovtiń aıtýynsha, ortalyq byltyr oblystyq avtomobıl joldary basqarmasymen 28 nysanǵa, 6 aýdan men 18 nysanǵa saraptama júrgizýge kelisimge otyryp, nátıjesinde barlyq salynǵan joldardyń 56 %-ynyń sapasyn baqylaýǵa aldy.

«Byltyr salynǵan joldarǵa ishinara 206 ret shyqtyq. Tóselgen materıaldardyń 343 synamasyn aldyq. Asfaltbeton boıynsha 35 synama talapqa saı bolmaı shyqty. Budan basqa 305 olqylyqty taptyq.

Tekserý qorytyndysy boıynsha uıǵarym jasalyp, merdiger kompanııalar 13,3 myń sharshy metr aýmaqtyń jol tósemin aýystyrdy. Osy maqsatqa 28,6 mln teńge jumsaldy», - deıdi Arman Qaıyrbekov.

Óz isine jaýapsyz qaraǵan eki zańdy tulǵa – merdiger men tehnıkalyq qadaǵalaý 1,7 mln teńgege ákimshilik jaýapqa tartyldy.

«Ortalyq bıyla oblystyq basqarmamen 18,9 mln teńgege kelisimge otyrdy. Aýdandar jol sapasyn teksertýge asyǵar emes. Nátıjesinde barlyq salynatyn joldardyń 12 %-yna ǵana sapa saraptamasyn jasaıdy. Bul respýblıkadaǵy eń tómengi kórsetkish.

Jalpy jyl basynan bizdiń ortalyq oblystyq mańyzy bar joldarǵa 13 ret shyqty. Nátıjesinde 40 synama aldy. Onyń 17-sinde synama talapqa saı bolǵan joq. Eki eskertý jasaldy. Eldi meken kóshelerinen 9 synama alyndy, sonyń bireýi boıynsha eskertý boldy», - deıdi Arman Qaıyrbekov.


Joǵary qaraı