Aýa raıy
Astana -9 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da tekserý barysynda aýyrǵan adamdardyń jumysqa barǵany anyqtaldy

2020 jyldyń 20 qarasha 2020 18:01

PETROPAVL. QazAqparat – Vedomstvoaralyq komıssııanyń otyrysynda Shyǵys Qazaqstan jáne Soltústik Qazaqstan oblystaryna 10 kún ishinde «qyzyl aımaqtan» shyǵýǵa tapsyrma berildi. Osyǵan oraı búgin SQO-nyń Bas sanıtarııa dárigeri brıfıngide «qyzyl aımaqtan» shyǵý jolyn aıtty, dep habarlaıdy QazAqparat tilshisi.

QR Premer-Mınıstriniń orynbasary Eraly Toǵjanovtyń tóraǵalyǵymen ótken Vedomstvoaralyq komıssııanyń otyrysynda ShQO jáne SQO ákimdikterine on kún merzimde epıdemıologııalyq jaǵdaıdy turaqtandyrýǵa tapsyrma berildi.

SQO-da karantın shekteýi kúsheıtilgenimen, SOVID-19 -dy juqtyrǵandar sany artpasa – kemir emes. Tek keshe óńirde KVI juqtyrýdyń 85 jaǵdaıy tirkeldi.

«Petropavl qalasyn jáne taǵy birqatar aýdandy japqanymyzǵa on shaqty ǵana kún ótti. Inkýbatsııalyq kezeń – eki apta. Sol sebepti ázirge blokposty qoıýdyń nátıjesi týraly aıtý erte», - dedi koronavırýs boıynsha óńirdegi epıdemıologııalyq ahýalǵa baılanysty ótken brıfıngide SQO-nyń Bas sanıtarııalyq dárigeri Arman Kúshbasov.

SQO-da búginde 6 aýdannyń 7 eldimekeninde blokpost tur. Sonyń ishinde oblys ortalyǵy – Petropavl da bar.

«SQO-da ótken Vedomstvoaralyq komıssııanyń kóshpeli otyrysynda birqatar sheshim qabyldandy. Sodan keıin Petropavlda jáne Qyzyljar aýdanynda qatań karantın shekteýi engizildi. Keshe ǵana aımaqtyq vedomstvoaralyq komıssııanyń otyrysy ótip, Bas sanıtarııa dárigeriniń jańa qaýlysy shyqty. Memlekettik organdar, barlyq uıymdar «qyzyl aımaqtan» shyǵý úshin barlyq is-sharany qolǵa aldy. Biraq bul az. Árqaısymyz buǵan atsalýymyz kerek. Barlyǵymyz sanıtarııa talaptaryn oryndap, maska taǵýymyz qajet. Tekserý barysynda aýyrǵan adamdardyń jumysqa barǵany anyqtalyp jatyr. Olar ózderi dertin jasyrady. Tek aýrý asqynǵanda ǵana medıtsınalyq kómekke júginedi. Adam alǵashqy belgi paıda bolǵan jaǵdaıda birden oqshaýlanýy kerek. Basqalarǵa qaýip tóndirmeýi tıis. Qaýipti aımaqtan shyǵýdyń eń tıimdi joly osy. Sol sebepti barlyǵyn aýrýdyń belgisi paıda bolǵan jaǵdaıda oqshaýlanýǵa shaqyramyn», - dedi Arman Kúshbasov.


Joǵary qaraı