Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da sot hırýrg-dárigerge berilgen sógisti joıdy

2021 jyldyń 20 qyrkúıek 2021 21:00

PETROPAVL. QazAqparat – Soltústik Qazaqstan oblystyq sottyń azamattyq ister jónindegi alqasy medıtsınalyq mekeme basshysynyń orynbasary, hırýrg-dárigerdiń quqyǵyn qalpyna keltirdi, dep habarlaıdy QazAqparat tilshisi.

Sot eńbek zańnamasy talaptaryna sáıkes, medıtsınalyq mekeme basshysynyń orynbasary, hırýrg-dárigerge memlekettik mekemeniń sógis jáne qatań sógis berý týraly buıryǵyn joıdy.

Sógis dárigerlik-keńestik komıssııa jumysyn qalaı bolsa solaı uıymdastyrǵany jáne eńbekke jaramsyzdyq paraǵyn ótip ketken kúnmen bergeni, reagentterdi ýaqtyly esepten shyǵarmaǵany, olardy esepten shyǵarý jýrnaldardyń joqtyǵy, qolda bar jabdyqty tıimsiz paıdalanǵany úshin berilgen. Al qatań sógis - qyzmettik tergeý júrgizý kezeńinde ekijúzdilik tanytqany úshin, jumys ornynda jumystan tys ýaqytta, basshylyqtyń ruqsatynsyz bógde adamdarmen bolǵany úshin berilgen.

Jumys berýshi qyzmettik tergep-tekserý júrgizip, nátıjesinde eńbekke jaramsyzdyq anyqtamalarynyń kimge ótken kúnmen berilgenin, kúmándi jáne anyq emes anyqtamalardyń tizbesin, nómirlerin, kúnderin anyqtaı almaǵan. Sógisti alyp tastaýǵa sondaı-aq, jumyskerdiń reagentterdi esepten shyǵarý jýrnaldaryn alýǵa ótinimderin jumys berýshiniń ózi oryndamaǵany, al dárigerlik-keńestik komıssııa móri erkin qoljetimdi bolǵany negiz boldy. Al reagentterdi esepten shyǵarý jáne qolda bar jabdyqty tıimsiz paıdalaný máselesin qyzmetker komıssııalyq taldaýda aıtqan, biraq oǵan qulaq aspaǵan.

Jaýap berýshi talapkerdi qyzmettik tergeý júrgizý kezeńinde kórsetken ekijúzdiligi úshin tártiptik jaýapkershilikke tartty, biraq jumys berýshiniń aktilerinde mundaı laýazymdyq mindet belgilenbegen. Sondaı-aq jaýapkershilikke tartý tártibi buzylǵan, joǵary turǵan salalyq kásipodaqtyń pikiri joq. Sol sebepti qatań sógis berý buıryǵy da kúshin joıdy.

Sot sheshimin alqa ózgerissiz qaldyrdy, jumys berýshiniń apellıatsııalyq shaǵymy da ózgerissiz qaldy.


Joǵary qaraı