Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

SQO-da sońǵy eki aptada KVI juqtyrý 6,7 ese artqan

2022 jyldyń 28 qańtar 2022 14:31

PETROPAVL. QazAqparat – Soltústik Qazaqstan oblysynda koronavırýs juqtyrǵandar sany sońǵy eki aptada 6,7 ese ósti, 14 kúnde 2817 adam aýyrǵan, dep habarlaıdy QazAqparat tilshisi.

SQO sanıtarııalyq-epıdemıologııalyq baqylaý departamentiniń málimetinshe, oblysta 14 qańtardan bastap epıdemıologııalyq jaǵdaı kúrt nasharlaǵan. Sońǵy eki aptada aýrýshańdyq 6,7 ese, 416-dan 2817-ge deıin ósti. COVID-19 boıynsha jaǵdaı barlyq aýdanda turaqsyz. Máselen Aıyrtaý aýdanynda 23 ese, Ǵ.Músirepov atyndaǵy aýdanda 20 ese, Ýálıhanov aýdanynda 17 ese, Tımırıazevte 14 ese artqan.

Eń kóp 19-ben 39 jastaǵylar juqtyrǵan, olardyń úlesi – 43 %. 60 jáne odan joǵary jastaǵylardyń 18 %-y aýyrǵan.

«Jiti respıratorly vırýstyq ınfektsııa men tumaýdyń maýsymdyq ósýi de jaǵdaıdy ýshyqtyrǵan. Epıdemıologııalyq maýsym bastalǵaly, ıaǵnı qazan aıynan bastap óńirde 19 182 adam JRVI-men aýyrǵan, ótken jyldyń osy aralyǵymen salystyrǵanda aýrýshańdyq 36 %-ǵa artqan. 35 adamda A tıpti tumaý rastaldy, byltyr tumaýmen aýrýdyń bir de bir jaǵdaıy tirkelmegen edi», - deıdi SQO sanıtarııalyq-epıdemıologııalyq baqylaý departamentiniń basshysy Áset Jumataev.

Óńirdiń bas sanıtar dárigeriniń aıtýynsha, 270 582 adam tolyq vaktsınatsııadan ótti, bul ekpe alýy tıis turǵyndardyń 73 %-y. 64 184 adam revaktsınatsııadan ótken, jospardyń 52 %-y ǵana.

Al Pfizer vaktsınasymen 10 101 adam egildi, Onyń 8 myńǵa jýyǵy – jasóspirimder, 2 myńǵa jýyǵy – emizýli balasy bar kelinshekter, 301-i – júkti áıelder. Ázirge osy sanatqa jatatyn, vaktsınatsııadan ótýi tıis adamdardyń tek 23,4 %-y ǵana ekpe saldyrdy.


Joǵary qaraı