Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da sharýalarǵa arnalǵan AgroData pılottyq jobasy tanystyryldy

2021 jyldyń 16 maýsym 2021 23:37

PETROPAVL. QazAqparat – Soltústik Qazaqstan oblysynda AgroData qosymshasynyń tanystyrylymy ótti. Pılottyq joba sharýashylyqtarǵa kómekshi qural bolyp, óndiristi arttyrýǵa kómektespek, - dep habarlaıdy QazAqparat tilshisi.

«Qazgıdromet» RMK SQO fılıaly mamandary Aqqaıyń aýdanynyń Shaǵalaly aýylyndaǵy «Soltústik Qazaqstan tájirıbe stansasy» JShS ókilderimen jáne aýyl sharýashylyq qurylymdarymen kóshpeli kezdesý ótkizdi.

Jıyn barysynda AgroData veb-qosymshasynyń tanystyrylymy ótti.

Sondaı-aq «Soltústik Qazaqstan tájirıbe stantsııasy» JShS men «Qazgıdromet» RMK arasyndaǵy ózara tıimdi ekijaqty yntymaqtastyq máseleleri qaraldy.

Fılıal málimetinshe, «Qazgıdromet» RMK ótken jyldyń qyrkúıek-qazan aılarynda «www.agrodata.kz» veb-paraqshasyn eldiń 4 óńirinde pılottyq joba retinde iske qosty.




Qosymsha sınoptıkalyq jáne agrometeorologııalyq aqparatty tegin beredi.

Nátıjesinde sharýashalyqtar egin egýge jáne jınaýǵa qolaıly aýa-raıynyń málimetterin 100%-ǵa naqty ári qysqa ýaqytta aldy.

Veb-paraqshamen jumys istegenderdiń biri - «Soltústik Qazaqstan tájirıbe stansasy» JShS.

Seriktestik 35 ga alqapqa bıdaıdyń birneshe surpyn, kúnbaǵys jáne burshaq egedi.

«Buryn bul jumysty ár sharýashylyqtyń agronomy atqaratyn. Endi qosymshanyń kómegimen agrarııler birneshe táýlikke aýa-raıy boljamyn alyp, daýyldy eskertý, qardyń qalyńdyǵy týraly, jaýyn-shashynnyń qashan bolatynyn jáne qansha mólsherde, topyraqtyń qunarlyǵy men ylǵaldyǵy týraly aqparatty esh qıyndyqsyz jáne tegin túrde ala alady. Olarǵa bul aqparat kóbine kóktemgi egin egý jáne kúzde ony jınaý kezinde qajet», - deıdi «Qazgıdromet» RMK agrometeorologııalyq monıtorıng jáne boljamdaý departamentiniń dırektory Nonna Loenko.





Joǵary qaraı