Aýa raıy
Astana -8 °S
Almaty -8 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da polıtsııa júrgizýshilerdi jolda abaı bolýǵa shaqyrdy

2020 jyldyń 22 qarasha 2020 01:51

SOLTÚSTІK QAZAQSTAN OBLYSY. QazAqparat - Soltústik Qazaqstan oblysynda 18 qarashadan bastap kúnine 450-den astam polıtsııa qyzmetkeri jol qaýipsizdigin qamtamasyz etedi.

Bul týraly QazAqparat oblystyq Polıtsııa departamentiniń baspasóz qyzmetine silteme jasap habarlaıdy.

Oblys joldarynda 149 avtopatrýl, onyń 37-si respýblıkalyq jáne 10-y oblystyq mańyzy bar joldarda júr. Sońǵy eki kúnde 1,2 myńnan astam jol erejesin buzý faktileri anyqtaldy. Sonyń ishinde 232 oqıǵa jaıaý júrginshiler jolaǵynda bolǵan.

«Óńirde kúzdiń sońǵy aıynyń qystan aıyrmashylyǵy joq: qar, kóktaıǵaq jáne tuman. Sınoptıkter aýa-raıynyń nasharlaıtynyn habarlaýda. Osyǵan oraı polıtsııa jol-kólik oqıǵalarynyń aldyn alý jumystaryn kúsheıtti. Mundaı aýa raıy jaǵdaıynda jol júrý qaýipti ekenin túsindirip, qarly boran men kóktaıǵaq kezinde óte saq bolýǵa shaqyrýda. Qysqy dóńgelektegi, tejegishtegi aqaý, jyldamdyqty asyrý jáne araqashyqtyqty saqtamaý - avtokólik júrgizýshisine orny tolmas qaıǵy ákelýi múmkin», - delingen baspasóz habarlamasynda.

Avtor: Olesıa Jýkoven


Joǵary qaraı