Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da óndiristegi jazataıym oqıǵa saldarynan 5 adam mert boldy

2021 jyldyń 23 qarasha 2021 22:54

PETROPAVL. QazAqparat – Soltústik Qazaqstan oblysyndaǵy óndiris nysandarynda 28 jazataıym oqıǵa tirkelip, 5 adam mert boldy, dep habarlaıdy QazAqparat tilshisi.

Óńirlik kommýnıkatsııalar qyzmetinde SQO memlekettik eńbek ınspektsııasy basqarmasy 10 aıdyń qorytyndysyn shyǵardy. Vedomstvo basshysy Marat Omarovtyń aıtýynsha, jyldyń basynan memlekettik eńbek ınspektorlary 900-ge jýyq adamnyń jazbasha aryz-ótinishin qarady. Sonyń 749-y eńbek qatynastaryn buzýǵa qatysty bolsa, 147-si eńbek qaýipsizdigi jáne eńbekti qorǵaý boıynsha. Budan basqa kásiporyndar men uıymdarda 203 tekseris júrgizildi, eńbek zańnamasyn buzýdyń 542 deregi anyqtaldy. Jumys berýshilerge anyqtalǵan zań buzýshylyqtardy joıý týraly 144 uıǵarym shyǵaryldy.

«101 laýazymdy jáne zańdy tulǵaǵa jalpy somasy 24,6 mln teńge aıyppul salyndy. Onyń 15,1 mln teńgesi búginde óndirilip alyndy. 5,1 mln teńge somasyndaǵy aıyppul boıynsha erikti tólem merzimi aıaqtalǵan joq. 4,4 mln teńge májbúrlep óndirip alýǵa jiberildi», - deıdi Marat Omarov.

Eńbekaqynyń ýaqtyly tólenýi boıynsha 31 uıym tekserilgen. Nátıjesinde 2 myńǵa jýyq qyzmetkerdiń 235 mln teńge shamasynda tapqan tabysyn ala almaı júrgendigi anyqtaldy. Eńbekaqy boıynsha bereshekke jol bergen kásiporyn basshylaryna 31 uıǵarym berilip, ákimshilik jaýapkershilikke tartyldy, olarǵa jalpy somasy 10,6 mln teńgege aıyppul salyndy.

«Bıylǵy jyldyń 10 aıy ishinde óndiris oryndarynda 28 jazataıym oqıǵa tirkelip, 33 adam zardap shekti. Jazataıym oqıǵalardyń úsheýi toptyq bolsa, 5-ýinde ólimmen aıaqtaldy jáne 16-synda jumysshylar aýyr jaraqat aldy. Barlyq oqıǵalar qoldanystaǵy zańnamaǵa sáıkes tergeldi», - deıdi Marat Omarov.


Joǵary qaraı