Aýa raıy
Astana -5 °S
Almaty 5 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da «óli» kól sanalyp kelgen sý aıdynynda balyqtar paıda boldy

2020 jyldyń 14 qyrkúıek 2020 21:01

PETROPAVL. QazAqparat – Soltústik Qazaqstan oblysy Aıyrtaý aýdanyndaǵy tuzdy kól – Saýmalkólde birneshe jyldan keıin balyq paıda boldy, dep habarlaıdy QazAqparat tilshisi.

Saýmalkól halyq arasynda «óli» kól atanyp ketken. Sýy taza bolǵanymen, tuzdy. Saldarynan birneshe jyl balyq bolmaǵan. Bıyl osy sý qoımasyna kóktemde pelıad balyǵynyń 3,5 mln shabaǵy jiberildi.

Osy maqsatqa 4,5 mln teńge jumsaldy. Joba óz nátıjesin berip, shabaqtar jersinip, ósti.

Jaqsy habardy áleýmettik jelidegi óz paraqshasynda Aıyrtaý aýdanynyń ákimi Darhan Ámrın jetkizdi.

«Saýmalkól «tirildi». Men qazir qýanyshym qoınyma syımaı bizdiń Saýmalkólge bara jatyrmyn. Osydan 4 aı buryn jibergen shabaqtar ólmepti. Bizdiń kóktemgi tájirıbeniń qorytyndysyn óz kózimmen kóremin. Tuzdy kólde balyqtyń ólmegenine tańmyn. Kópshilikti de bul jańalyqtyń tańqaldyrary sózsiz. Ǵalymdar mundaı tuzdy kólde tek sıg tuqymdas balyqtary ǵana ósedi deıdi. Bul kóldi «Ilın» JK jalǵa alǵan», - dep jazdy Darhan Ámrın.



Joǵary qaraı