Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

SQO-da muqtaj otbasy balalarynyń jazǵy lagerde demalýyna 71 mln teńge bólindi

2022 jyldyń 17 mamyr 2022 22:53

PETROPAVL. QazAqparat – Soltústik Qazaqstan oblysynda bıyl 69 myń oqýshyny jazǵy demalyspen qamtý josparlanǵan. Sonyń ishinde az qamtylǵan otbasynan shyqqan 11 myńǵa jýyq bala lagerde tegin demalady. Osy maqsatqa jergilikti qazynadan 71 mln teńge bólindi, dep habarlaıdy QazAqparat tilshisi.

SQO bilim basqarmasynyń basshysy Názir Jáshibekov óńirlik kommýnıkatsııalar qyzmetinde ótken brıfıngte bıyl oqýshylardyń 93 %-y jazǵy demalyspen qamtylatynyn jetkizdi. Bul – 1-10 synyptyń 69 myń oqýshysy.

«1-4 synyp oqýshylary úshin 456 mektep janynda alańdar jumys isteıdi. 45 myń balany qymtımyz. 1-9 synyp oqýshylary – 6 771 bala úshin 11 saýyqtyrý lageri jumys istemek. Bıýdjet esebinen muqtaj otbasylardyń 10 816 balasyna 100 % saýyqtyrý demalysy uıymdastyrylady, jergilikti bıýdjetten 71 mln teńge bólindi. Al qala syrtyndaǵy lagerler men mektep janyndaǵy alańdarda 51 771 bala demalady», - deıdi Názir Jáshibekov.

Budan shatyrly lagerler, «Jas sarbaz», pikirsaıys klýbtary, «Jasyl el» brıgadalary, jazǵy til mektepteri, oqý klýbtary jumys istemek.

Ólketaný ekspedıtsııalary jáne óńirdiń kıeli jerlerine jáne bir kúndik ekologııalyq-týrıstik joryqtar uıymdastyrý josparlanǵan.

Mektep janyndaǵy alańdardyń jumysy 1 maýsymnan, saýyqtyrý lagerleriniń jumysy 15 maýsymnan bastalmaq.

Oqýshylar saraıynda myń balany qamtıtyn Jazǵy akademııa uıymdastyrylady.

Buǵan deıin SQO-da mektep bitirý keshin kafede ótkizýge, ustazdarǵa syılyq berýge tyıym salynǵanyn aıtqan edik.


Joǵary qaraı