Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da memorgandardyń qarajatty qandaı maqsatqa negizsiz jumsamaq bolǵany anyqtaldy

2021 jyldyń 21 qazan 2021 18:58

PETROPAVL. QazAqparat – Soltústik Qazaqstan oblysynda Sybaılas jemqorlyqqa qarsy qyzmet «Satyp alýdyń biryńǵaı terezesi» portalyna monıtorıng jasap, birqatar memlekettik organnyń bıýdjet qarajatyn negizsiz jumsaýyna jol bermedi, dep habarlaıdy QazAqparat tilshisi.

Buǵan deıin SQO-da sybaılas jemqorlyqqa qarsy qyzmettiń aralasýymen 300 mln teńgege jýyq memleket qarajatynyń únemdelgenin aıtqan edik. Vedomstvo satyp alý baǵalaryn orynsyz kóterýdiń 31 deregin anyqtady. Sybaılas jemqorlyqqa qarsy qyzmettiń usynymyn negizge ala otyryp, mekemeler memlekettik satyp alý josparyna ózgeris engizdi.

Máselen, Aqjar aýdanyndaǵy balalar-jasóspirimder mektebi 80 mln teńgege jabyq sport ǵımaratyn, al ulttyq sport túrleri boıynsha oblystyq balalar-jasóspirimder sport mektebi 30 mln teńgege ǵımarat satyp almaq bolǵan. Keıin olar mundaı baǵamen alýdan bas tartty.

Ǵ.Músirepov atyndaǵy aýdannyń dene shynyqtyrý jáne sport bólimi óte qymbatqa – 17,9 mln teńgege almaq bolǵan sporttyq qural-saımannan bas tartty.

SQO jolaýshylar kóligi jáne avtomobılder joldar basqarmasy 27,2 mln teńgeniń eki qazandyǵyn 9,8 mln teńgeniń qazandyǵyna aýystyrdy.

Aqqaıyń aýdanynyń bilim bólimi 13,9 mln teńgeniń taýarynan, al Jambyl aýdanynyń sáýlet, qurylys, turǵyn úı-kommýnaldyq sharýashylyǵy, jolaýshylar kóligi jáne avtomobılder joldary bólimi 12,5 mln teńgeniń qar tazalaǵyshynan bas tartty.

Al QR ІІM qylmystyq atqarý júıesi komıtetiniń «Eńbek-Qyzyljar» RMK fılıaly kómirdi arzanyraq baǵaǵa alyp, bıýdjettiń 8,6 mln teńgesin únemdedi.

SQO sybaılas jemqorlyqqa qarsy qyzmet bıýdjetti josparlaý satysynda onyń orynsyz jumsalý faktilerine jol bermeý maqsatynda aı saıyn «Satyp alýdyń biryńǵaı terezesi» portalyna monıtorıng jasap otyrady.


Joǵary qaraı