Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da memlekettik qyzmetshilerdiń 63 paıyzy – áıelder

2021 jyldyń 22 qańtar 2021 22:42

PETROPAVL. QazAqparat – Soltústik Qazaqstan oblysynda memlekettik qyzmettegi laýazymdardyń 12% astamy bos tur, ıaǵnı 582 qyzmetshi jetispeıdi, dep habarlaıdy QazAqparat tilshisi.

QR Memlekettik qyzmet isteri agenttiginiń SQO boıynsha departamentiniń basshysy Elena Stepanenko ótken jyldy qorytyndylap, brıfıng ótkizdi.

Onyń aıtýynsha, óńirge shtat boıynsha 4794 memlekettik qyzmetshi kerek.

Alaıda onyń 12%-ten astamy bos laýazymdar. Oblysta 582 memlekettik qyzmetshiniń orny bos tur.

Memlekettik qyzmetshilerdiń ortasha jasy 40-ty quraıdy. Al ortasha eńbek ótili – 10 jyl shamasynda.

«Bizdiń oblysta memlekettik qyzmettegi áıelderdiń úlesi respýblıkalyq kórsetkishten joǵary. 4 myńnan astam memlekettik qyzmetshiniń 63,5 %-in áıelder quraıdy. Sonymen qatar, olardyń 45%-i memlekettik organdarda basshylyq qyzmetterdi atqaryp júr», - deıdi Elena Stepanenko.

SQO-da sońǵy úsh jyldan beri memlekettik apparattyń kadrlyq quramynyń turaqtylyǵy baıqalady.

Memlekettik qyzmet júıesinen 2018 jyly qyzmetshilerdiń 6,8 %-i, 2019 jyly 5,9 %-i, byltyr 5,1 %-i ketken.

«Mamandar memlekettik qyzmette tájirıbe jınaqtap, ekonomıkanyń basqa sektorlaryna ketedi. Bul óz kezeginde memlekettik organdardyń ınstıtýtsıonaldyq jadynyń joǵalýyna áser etedi. Mysaly, memlekettik organdardaǵy basshy quramynyń úshten bir bóligi – 26 %-i atqaratyn laýazymynda bir jyldan az jumys isteıdi, taǵy 17% - i bir jyldan eki jylǵa deıin eńbek etip júr», - deıdi departament basshysy.

Elena Stepanenkonyń aıtýynsha, Memleket basshysynyń memlekettik qyzmet salasyn jetildirý jónindegi tapsyrmalaryn iske asyrý maqsatyndan ótken jyldyń sońynda qoldanystaǵy zańnamaǵa ózgerister engizildi.

«Bıyl saıası qyzmetshilerdi rotatsııalaý ınstıtýty, sondaı-aq ákimdikter basqarmalarynyń basshylaryn óńiraralyq rotatsııalaý engizildi. Buryn olardy rotatsııalaý tek bir ákimdik sheginde ǵana múmkin edi. Alaıda mundaı rotatsııa komandalyq oryn aýystyrýǵa jol bermeý maqsatynda Agenttikpen kelisim boıynsha júrgiziledi. ıAǵnı saıası qyzmetshiler atqaratyn laýazymyna taǵaıyndalǵan kúnnen bastap árbir tórt jyl saıyn rotatsııalanady. Alaıda tıisti memlekettik organ basshysy onyń merzimin taǵy eki jylǵa uzarta alady. Budan keıin eki jylǵa uzartý Prezıdent janyndaǵy Kadr saıasaty jónindegi ulttyq komıssııanyń sheshimi boıynsha ǵana múmkin», - deıdi QR Memlekettik qyzmet isteri agenttiginiń SQO boıynsha departamentiniń basshysy Elena Stepanenko.

Osylaısha, saıası qyzmetshilerdiń laýazymda bolýynyń ruqsat etilgen eń uzaq merzimi segiz jyldan aspaıdy.

Byltyr SQO-da 340 adam jańa laýazym aldy, olardyń 57 %-i alǵash ret memlekettik qyzmetke ornalasqandar.


Joǵary qaraı