Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

SQO-da mektep bitirý keshin kafede ótkizýge, muǵalimderge syılyq berýge tyıym salyndy

2022 jyldyń 17 mamyr 2022 16:05

PETROPAVL. QazAqparat – Soltústik Qazaqstan oblysynda sońǵy qońyraý merekesi bıyl dástúrli túrde ótedi. Ata-analar men túlekterdiń ysyrapshyldyqqa jol bermeýi úshin bilim basqarmasy bul meıramǵa qatysty birqatar talapty bekitti, dep habarlaıdy QazAqparat tilshisi.

Óńirlik kommýnıkatsııalar qyzmetinde SQO bilim basqarmasynyń basshysy Názir Jáshibekov baspasóz máslıhatyn ótkizip, oqý jylynyń aıaqtalýyna baılanysty kóptiń kókeıinde júrgen suraqtarǵa jaýap berdi.

Sonyń biri – sońǵy qońyraý merekesin toılaýǵa qatysty.

«Sońǵy qońyraý merekesi 25 mamyrda dástúrli formatta ótedi. Attestattar 16-17 maýsym kúnderi saltanatty túrde tabystalady. Іs-sharaǵa mekteptiń pedagogıkalyq ujymy, túlekter, túlekterdiń ata-anasy, pedagogıkalyq eńbek ardagerleri, qamqorshylyq keńes músheleri, patronattyq uıym ókilderi, jergilikti atqarýshy organdar qatysa alady», - dedi basqarma basshysy.

Oqý bitirý keshi mindetti túrde mektepte jáne bilim berý uıymynyń kúshimen uıymdastyrylýy tıis.

«Sońǵy qońyraý, attestat tapsyrý sharalaryna anımatorlardy shaqyrýǵa, merekelik agenttikterdiń, jeke stýdııalardyń kómegimen aqy tóleý arqyly ótkizýge tyıym salynady. Merekelik dastarhan jaıýǵa ruqsat joq. Avtokólikterdi jalǵa alyp, qala-aýdan boıynsha ekskýrsııa ótkizýge, mektep ákimshiligi men pedagogtarǵa syılyqqa aqshalaı qarajat jınaýǵa, oıyn-saýyq mekemelerinde oqý bitirý keshterin uıymdastyrýǵa tyıym salynady», - dedi Názir Jáshibekov.


Joǵary qaraı