Aýa raıy
Astana -1 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da qus tumaýyna baılanysty taǵy 6 aýyl karantınge jabylady

2020 jyldyń 21 qyrkúıek 2020 21:23

PETROPAVL. QazAqparat – Soltústik Qazaqstan oblysynda qus tumaýy tabylǵan oshaqtan 20 shaqyrym radıýstaǵy úı qustaryna vaktsına egiledi, dep habarlaıdy QazAqparat tilshisi.

SQO veterınarııa basqarmasynyń basshysy Berik Áljanovtyń aıtýynsha, osy aýmaqtaǵy úı qustarynyń barlyǵyna ekpe jasalady.

Aýrý oshaǵy jańadan tabylǵan jaǵdaıda ol jerde de vaktsınatsııa júrgiziledi.

«Oblystyń 11 aýdanynda úı qusy qyryldy. Onyń jeteýinde qus tumaýy rastaldy. Ázirge 11 eldimekenge karantın engizildi. Taǵy alty aýyldy karantınge jabý máselesi qaralyp jatyr. Óńirde respýblıkalyq epızootııalyq jasaq jumys isteýde. Dezınfektsııalyq bógetterdi qoıa bastady. Búgin turǵyndardan ólgen jáne aýyrǵan qustardy alý jóninde arnaıy qaýly shyǵady. Sodan keıin qustar alynyp, joıylady. Qustardyń kózin joıý úshin qozǵalmaly ınsınerator keldi», - deıdi Berik Áljanov.

Aıta keteıik, búgin ortalyq kommýnıkatsııalar qyzmetinde QR Aýyl sharýashylyǵy mınıstriniń orynbasary Gúlmıra Isaeva bastaǵan bir top maman qus tumaýyna qatysty jýrnalısterdiń suraqtaryna jaýap bergen edi.


Joǵary qaraı