Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da qus tumaýyna baılanysty 2 myńnan astam úı qusy alynyp, joıyldy

2021 jyldyń 12 qazan 2021 18:17

PETROPAVL. QazAqparat – Soltústik Qazaqstan oblysy Lebıaje eldi mekeninde qus tumaýynyń anyqtalýyna baılanysty 2 myńnan astam qus turǵyndardan alynyp, joıyldy, dep habarlaıdy QazAqparat tilshisi.

SQO veterınarııa basqarmasynyń basshysy Berik Áljanovtyń aıtýynsha, qus tumaýy anyqtalǵan M.Jumabaev aýdany Lebıaje eldi mekeninde karantınge baılanysty keshendi is-sharalar ótkizildi. 71 úıdiń qora-qopsysy zalalsyzdandyryldy. Turǵyndardan 2 128 úı qusy alynyp, joıyldy.

«Ólgen, alynyp, joıylǵan úı qusy úshin naryqtaǵy qunyna jáne túrine qaraı ótemaqy tólenedi. Qus tumaýynyń aldyn alý úshin 1 242,2 myń doza vaktsına bólinip, qosymsha taǵy 112,2 myń dozaǵa tapsyrys berildi. Osy ýaqytqa deıin 977,1 myń qus vaktsınatsııalandy. Qus fabrıkalaryndaǵy barlyq qus ekpe aldy», - deıdi Berik Áljanov.

SQO ákiminiń birinshi orynbasarynyń tapsyrmasymen qus tumaýynyń paıda bolý sebebin anyqtaý úshin qyzmettik tergeý júrgizildi. Aýrýdyń taraýyna jol bergender jaýapqa tartyldy.

Esterińizge salaıyq, qus tumaýynyń anyqtalýyna baılanysty 27 qyrkúıek kúni Lebıaje eldi mekeni karantınge jabylǵan edi. Munda jeti úıdiń 1003 qusy bir aptanyń ishinde qyrylyp qalǵan.


Joǵary qaraı