Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da kúnniń sýytýyna baılanysty polıtseıler kóktaıǵaq bolatynyn eskertti

2021 jyldyń 21 qazan 2021 13:50

PETROPAVL. QazAqparat – Soltústik Qazaqstan oblysynda aldaǵy úsh táýlikte kún sýytpaq, «112» qyzmeti kóktaıǵaq qateri týraly eskertý habarlamasyn taratty, dep habarlaıdy QazAqparat tilshisi.

«Qazgıdromet» RMK-nyń úsh kúnge jasaǵan aýa raıy boljamy boıynsha, SQO-da búginnen bastap kún sýytady. 22 qazanǵa qaraǵan túni synap baǵanasy 0-den túsip, aýa temperatýrasy -3 gradýsty kórsetpek. Qar, qar aralas jańbyr jaýady dep boljanǵan. Al erteń kúndiz aýa raıy +2 men +4 gradýs jylylyqty kórsetip, jaýyn-shashyn bolmaq. Kúnniń buzylatyndyǵy jóninde «112» qyzmeti de eskertip, kóktaıǵaq qateri týraly eskertý sms-habarlandyrýlar jiberdi.

Jol-kólik oqıǵalarynyń aldyn alý maqsatynda oblys polıtseıleri kólik júrgizýshilerdi eskertip jatyr. Soltústik Qazaqstannyń qubylmaly klımattyq jaǵdaıynda kún raıy boljamyn nazardan tys qaldyrmaǵan jón.

«Kún sýytqan jaǵdaıda kóktaıǵaq bolýy yqtımal. Sondyqtan kólik dońǵalaǵyn ýaqytynda qysqysyna aýystyrǵan jón. Bul apattardyń aldyn alýǵa yqpal etedi. Budan basqa qozǵalys jyldamdyǵyn tómendetip, alda kele jatqan kólikpen ara qashyqtyqty ulǵaıtý da jol-kólik oqıǵalarynyń týyndaýyna jol bermeıdi», - deıdi SQO PD jergilikti polıtsııa qyzmeti basqarmasy bastyǵynyń orynbasary Aleksandr Rozbah.

Tártip saqshysynyń aıtýynsha, jolda júrý erejelerin qatań saqtap, jaǵdaıdy qyraǵylyqpen baqylap otyrý kerek. Al joldardaǵy jaǵdaı ózgerip, kóktaıǵaq týyndaǵanda ony eseleı túsken jón.

«Bul talaptar júrginshilerge de qatysty. Saqtansań saqtaıdy. Joldyń ústin muz basqanda kólikterdiń toqtaýy qıyndaı túsedi. Júrginshiler ótkeline shyqpas buryn jan-jaǵyńyzǵa qarap, sizdi ótkizip jatqanyna kóz jetkizińiz. Eresekter balalarymen áńgimelesip, taǵy bir márte jolda júrý erejelerin qaıtalaǵandary jón», - deıdi Aleksandr Rozbah.


Joǵary qaraı