Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da koronavırýstan qaıtqandardyń 78 paıyzy - 61 jastan asqandar

2021 jyldyń 21 qazan 2021 17:07

PETROPAVL. QazAqparat – Soltústik Qazaqstan oblysynda ardagerler keńesi halyqty koronavırýsqa qarsy vaktsına alýǵa shaqyryp, úndeý jasady, dep habarlaıdy QazAqparat tilshisi.

SQO-nyń ardagerler keńesi halyqty, sonyń ishinde egde jastaǵy zamandastaryn koronavırýsqa qarsy ekpe alýǵa shaqyrdy.

Aǵa býyn ókilderiniń alańdaıtyn jóni bar.

Syrqattanyp, ınfektsııalyq statsıonarda em alyp jatqandardyń 65 % – jasy 61-tan asqandar.

«Densaýlyq saqtaý basqarmasynyń málimetine súıensek, sońǵy eki aptada syrqattanǵandar sany 1,6 esege artqan. Infektsııalyq statsıonarlarda 700-den astam syrqat jatyr. Olardyń basym bóligi – zeınetkerler. Azamattardyń bul sanatynyń densaýlyǵy álsiregen, kóbiniń ilespe aýrýlary bolǵandyqtan qater tobyna kiredi. Pandemııa bastalǵaly Covid-19-dan 266 adam qaıtys boldy, olardyń 78 % - jasy 61-den asqandar», - deıdi ardagerler.

SQO-daǵy epıdemıologııalyq jaǵdaı turaqsyz, óńir aı bastalǵaly «qyzyl» aımaqta.

Ardagerler keńesiniń ókilderi tek vaktsınatsııanyń ǵana pandemııany jeńýdiń jalǵyz durys jáne ǵylymı negizdelgen ádisi ekenin eske saldy.

«Vaktsınanyń qaýipsizdigi men tıimdiligi búgingi kúni bultartpas faktilermen dáleldengen: ınfektsııalyq statsıonarlarda emdelip jatqan patsıentterdiń 99 %-y – ekpe almaǵan. Vaktsınatsııalanǵan adamdar aýrýdy jeńil ótkeredi jáne olardyń basqalarǵa qaraǵanda juqtyrý qaýpi az. Biz bárimiz qalypty ómirge tezirek oralǵymyz keledi. Aǵa býyn ókilderi retinde biz sizderdi ǵalymdar men medıtsına qyzmetkerleriniń pikirine qulaq asýǵa shaqyramyz. Biz aǵa býyn ókilderine júginemiz. Sizder bizdiń jastarymyzǵa árdaıym úlgisizder. Biz sizderdi jaqyn arada vaktsına alýǵa, osylaısha ózińizdi jáne jaqyndaryńyzdy qatty aýyrýdan qorǵaýǵa shaqyramyz», - deıdi ardagerler keńesiniń ókilderi.


Joǵary qaraı