Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da koronavırýspen aýyryp túskenderdiń jartysyna jýyǵy ottegi ballonyna táýeldi

2021 jyldyń 29 shilde 2021 04:10

PETROPAVL. QazAqparat – Soltústik Qazaqstan oblysynda koronavırýs juqtyrǵandardyń ishinde aýrý belgisi bar syrqattardyń sany artqan. Qazir ınfektsııalyq statsıonarlarda em alyp jatqandardyń ár ekinshisi ottegi ballonyna táýeldi, dep habarlaıdy QazAqparat tilshisi.

SQO densaýlyq saqtaý basqarmasy basshysynyń orynbasary Nurlan Aımanovtyń aıtýynsha, 25 maýsym kúni ınfektsııalyq statsıonarlarda 167 adam em alsa, búginde aýyryp jatqandardyń sany 635-ke jetken. Sondaı-aq dárigerler buǵan deıin táýligine 20 adamnan ǵana qabyldasa, qazir kúndelikti 90 naýqas túsip jatyr.

«Kelip jatqan syrqattardyń jaǵdaılary nashar, bárinde demikpe, satýratsııa tómendegen. Sol sebepti statsıonarlarǵa jatqyzyp jatyrmyz. Tez jazylyp, táýir bolyp shyǵyp jatqandar da az. Buryn aýrýhanada 3-5 kún ustap, jaǵdaıy jaqsarǵannan keıin emdi úıde jalǵastyrýǵa jiberetinbiz.

Ótken jylmen salystyrǵanda aýyrǵandardyń taǵy bir ereksheligi – olardyń qosymsha sozylmaly dertteri joq. Buǵan deıingi aýrý belgileri – ıis jáne dám sezbeý jáne jótelý bolmaýy da múmkin.

Ottegige táýeldi syrqattardyń sany artty. Tek bir aýrýhanada ǵana 150-den artyq ottegi ballony qoldanylady», - deıdi Nurlan Aımanov.

Basqarma basshysy orynbasarynyń aıtýynsha, sońǵy kezde koronavırýs ınfektsııasyn júkti áıelder jıi juqtyratyn bolǵan.

«Áıelderdiń jaǵdaıyna baılanysty aýrý ábden asqynǵan ýaqytta, ıaǵnı pnevmonııaǵa ulasqanda ǵana anyqtalady. Sońǵy eki aptada COVID-19-ben 20 ekiqabat áıel statsıonarǵa jatqyzyldy. Olardyń jeteýiniń jaǵdaıy óte aýyr boldy. Qazir tek bireýinen basqasynyń beti beri qarady», - deıdi Nurlan Aımanov.

Eske sala ketsek, buǵan deıin sońǵy eki aptadan 100-den astam balanyń koronavırýs juqtyrǵanyn habarlaǵan bolatynbyz.


Joǵary qaraı