Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da koronavırýs juqtyrý kórsetkishi 2 ese tómendedi

2021 jyldyń 14 qyrkúıek 2021 14:25

NUR-SULTAN. QazAqparat – Soltústik Qazaqstan oblysynda koronavırýs indetin juqtyrý kórsetkishi 2 ese tómendedi. Bul týraly oblys ákiminiń orynbasary Asqar Saqypkereev málim etti, dep habarlaıdy QazAqparat tilshisi.

«Pandemııa bastalǵaly oblysta 23 354 koronavırýs jaǵdaıy tirkeldi. Sońǵy táýlikte 75 adam indet juqtyrǵan. Patsınetterdiń 92 paıyzy tolyq aıyǵyp shyqty. Ókinishke qaraı, 181 adam COVID-19-dan qaıtys boldy. Búginde oblys boıynsha koronavırýs juqtyrý jaǵdaılary eki ese azaıdy», - dedi A. Saqypkereev OKQ-de ótken baspasóz máslıhatynda.

Oblys ákimi orynbasarynyń sózinshe, osydan 3 aı buryn atalǵan óńirde kúnine 171 jaǵdaıdan tirkelip otyrǵan.

«Bul pandemııa kezindegi eń úlken kórsetkish boldy. Degenmen sońǵy 2 apta ishinde oǵan deıingi ýaqytpen salystyrǵanda bizdiń óńirde koronavırýs juqtyrý 44 paıyz azaıdy. 100 myń halyqtyń ishinde 195 adam atalǵan indetke shaldyǵyp otyr. Koronavırýsqa shaldyqqandardyń 65 paıyzy medıtsınalyq kómekke ózderi júgingen, 22 paıyzy vırýs juqtyrǵan adamdarmen baılanysta bolǵan jáne 13 paıyzynyń indetke shaldyǵý saldary ártúrli», - deıdi ol.

Onyń aıtýynsha, aımaqtaǵy koronavırýsty juqtyrýshylardyń deni 30 ben 60 jastyǵalar.

Buǵan deıin Asqar Saqypkereev oblysta 157 mln teńgege halyqqa tegin beriletin dári-dármek satyp alynǵanyn aıtqan bolatyn.


Joǵary qaraı