Aýa raıy
Astana -11 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da qonys aýdarýshylarǵa sapasyz salynǵan úıler úshin ákim jazalandy

2020 jyldyń 20 qarasha 2020 11:01

PETROPAVL. QazAqparat – Soltústik Qazaqstan oblysynda Aqqaıyń aýdanynyń ákimi qonys aýdarýshylarǵa arnalǵan úılerdiń nashar sapasy úshin jazalandy, dep habarlaıdy QazAqparat tilshisi.

SQO ákimi Qumar Aqsaqalovtyń tapsyrmasymen Aqqaıyń aýdanynda júrgizilgen qyzmettik tekserý aıaqtaldy. Tekserý jumys kúshi kóp óńirlerden qonys aýdarýshylarǵa arnalǵan jeke turǵyn úılerdiń sapasyna qatysty ótti. Nátıjesinde baspana qurylysynda jiberilgen olqylyqtar ýaqytynda joıylmaǵany úshin aýdan ákimi Rýstem Elýbaev qatań sógis aldy. Jańadan salynǵan úılerde tabylǵan olqylyqtar belgilengen merzimde joıylýy qajet.

Resmı málimette, óńir basshysynyń aýdan ákimderi men memlekettik organdardyń basshylaryna jaýapkershilikti eske salyp, qyzmetterinen bosatylatyndyǵyn eskertkendigi aıtylǵan.

Buǵan deıin Aqqaıyń aýdanyna ońtústik óńirlerden kóship kelgen turǵyndar áleýmettik jelide úıleriniń sapasyz salynǵanyn, sýyq ekenin aıtyp shaǵymdanǵan edi. Sózderine qaraǵanda, aýdan ákimi olardyń máselesine mán bermegen.


Joǵary qaraı