Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

SQO-da kolonııa aýmaǵyna birneshe uıaly telefon kirgizbek bolǵan kólik júrgizýshisi ustaldy

2022 jyldyń 15 qańtar 2022 19:40

PETROPAVL. QazAqparat – Soltústik Qazaqstan oblysyndaǵy qylmystyq atqarý júıesi departamentiniń ES-164/3 mekemesine uıaly telefondar men sım-kartalar engizbek bolǵan kólik júrgizýshisi ustaldy, dep habarlaıdy QazAqparat tilshisi.

SQO boıynsha QAJD baspasóz qyzmetiniń málimetinshe, departamenttiń vedomstvolyq baǵynysty mekemeleri turaqty negizde kolonııalar aýmaǵyna tyıym salynǵan zattardyń ótýine jol bermeý maqsatynda jedel-aldyn alý is-sharalaryn ótkizedi. Osyndaı bir tekseristerdiń nátıjesinde ES-164/3 mekemesine kirmek bolǵan kóliktiń kabınasynan 3 uıaly telefon men 2 sım-karta tabyldy. Túzetý aýmaǵyndaǵy jeke kásipkerlikterdiń biriniń kólik júrgizýshisi ony ony jazasyn ótep jatqandarǵa berýge alyp ótpek bolǵan.

Er adam kinásin moıyndap, telefondardy sottalǵandarǵa belgili bir mólsherdegi syıaqyǵa bermek bolǵanyn aıtty. Ol óz erkimen taǵy 1 uıaly telefon men 2 sım-kartany berdi.

Ustalǵan er adamǵa QR ÁQBK 481-baby boıynsha ákimshilik jaýapkershilikke tartylyp, 10 AEK mólsherinde aıyppul salyndy. Telefondar, sım-kartalar memleket paıdasyna tárkilendi.

Jalpy ES-164/3 mekemesi aýmaǵynda 3 jeke kásipkerlik sýbektisi jáne 3 jaýapkershiligi shekteýli seriktestik jumys isteıdi.


Joǵary qaraı