Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da kólik júrgizýshisi jolda otar qoıdy soǵyp, 14 mal óldi

2021 jyldyń 28 qyrkúıek 2021 13:10

PETROPAVL. QazAqparat – Soltústik Qazaqstan oblysynda júrgizýshi joldan ótip bara jatqan qoılardy kesh baıqap, kóligimen soǵyp ótti, saldarynan 14 bas mal óldi, dep habarlaıdy QazAqparat tilshisi.

SQO Polıtsııa departamenti baspasóz qyzmetiniń málimetinshe, jol-kólik oqıǵasy 24 qyrkúıek saǵat 12.50-de Esil aýdany ıAvlenka eldi mekeniniń mańynda bolǵan. «Petropavl-Jezqazǵan» avtojolynda Daewoo Nexia avtokóliginiń júrgizýshisi bir otar qoıdy soqqan. Saldarynan 14 bas mal óldi.

Daewoo Nexia-nyń 51 jastaǵy júrgizýshisi 41 jastaǵy jolaýshysymen Petropavldan Shal aqyn aýdanyna bet alǵan eken. Jol-kólik oqıǵasy «Mal aıdaý» jol belgisiniń aýmaǵynda bolǵan. Júrgizýshi men jolaýshy aman.

Esil aýdany polıtsııa bólimi bastyǵy Erlik Eslámbekovtyń aıtýynsha, avtokólik júrgizýshisi mas bolmaǵan. Osy faktisi boıynsha QR Ákimshilik quqyq buzýshylyq týraly Kodeksiniń 610-babynyń 1-bóligi «Kólik quraldary júrgizýshileriniń jol júrisi qaǵıdalaryn adamdardyń densaýlyǵyna zııan keltirýge, kólik quraldarynyń nemese ózge de múliktiń búlinýine alyp kelgen buzýshylyǵy» boıynsha materıal jınaldy jáne sheshim qabyldaý úshin sotqa jiberildi.

Bul – jyl basynan oblys joldarynda maldyń qatysýymen tirkelgen ekinshi jol-kólik oqıǵasy. Jalpy, SQO-da 8 aıda 100-den astam jol apaty tirkeldi, saldarynan 20 adam kóz jumyp, 149 adam jaraqattar aldy.


Joǵary qaraı