Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da kóktaıǵaqtan jeńil kólik aýdarylyp, bir adam zardap shekti

2021 jyldyń 3 jeltoqsan 2021 22:35

PETROPAVL. QazAqparat – Soltústik Qazaqstan oblysynda kóktaıǵaq saldarynan eki jol-kólik oqıǵasy tirkelip, bir adam zardap shekti, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, M.Jumabaev aýdanynda ÝAZ avtomashınasynyń 63 jastaǵy júrgizýshisi rólge ıe bola almaı, aýdarylyp qaldy. Saldarynan kóliktegi 46 jastaǵy jolaýshysy zardap shekti. Al, Mamlıýt aýdanynda Lada kóligi jol shetindegi jyraǵa túsip ketken. Júrgizýshilerdiń aıtýynsha, qolaısyz aýa raıy, ıaǵnı kóktaıǵaq jol-kólik oqıǵalaryna sebep bolǵan.

Polıtseıler barlyq jol qozǵalysyna qatysýshylardy jol júrisi erejelerin qatań saqtap, jolda abaı bolýǵa shaqyrady. Sondaı-aq, 1 jeltoqsannan bastap shınalaryn jazǵydan qysqyǵa aýystyrmaǵandarǵa qatysty ákimshilik jaýapkershilik kózdelgenin eske salady. Tehnıkalyq reglamentterdiń talaptaryna sáıkes kelmeıtinderge 5 AEK mólsherinde aıyppul qarastyrylǵan.

«Aýa raıynyń kúrt ózgerýi joldaǵylardyń barlyǵyn alańdatýy tıis. Jol erejelerin qatań saqtap, qyraǵylyq tanytyp, joldarda muqııat bolǵanda ǵana, baram degen jerge aman-esen jetýge bolady. Barlyq júrgizýshini jyldamdyq rejımin saqtaýdy, boran-aıazdy kúnderi eldi mekennen alysqa ketpeýin suraımyz», - deıdi SQO PD jergilikti polıtsııa qyzmeti basqarmasynyń bastyǵy Aıdyn Baımatov.


Joǵary qaraı