Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da qoǵamdyq oryndarda mas júrgen 10 myńnan astam adam ustaldy

2021 jyldyń 21 qazan 2021 02:53

PETROPAVL. QazAqparat – Soltústik Qazaqstan oblysynda bıyl polıtseıler qoǵamdyq oryndarda mas júrgen 10 myńnan astam adamdy ustady, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, bıyl óńirde alkogoldik ishimdikterdi satý erejelerin buzýǵa qatysty 118 ákimshilik hattama toltyryldy. Bul 21 jasqa tolmaǵandarǵa araq-sharap satý nemese spırttik ishimdikti túngi ýaqytta satý jaǵdaılary. Taǵy 142 soltústikqazaqstandyq alkogol ónimderin astyrtyn satqany úshin jaýapqa tartyldy. Zańsyz aınalymnan 5,8 myń lıtr spırttik ishimdik alyndy.

«Keń taraǵan quqyq buzýshylyqtardyń biri – qoǵamdyq oryndarda ishimdik ishý nemese mas kúıde júrý. Jyl basynan oblysta osyndaı 9665 fakti anyqtaldy. Alkogol adamdy qylmys jasaýǵa ıtermeleıdi, tipti mastardyń ózderi de qylmyskerlerdiń qurbanyna aınalýy ábden múmkin. Aıta ketetini, SQO-da jyl basynan alkogoldik mas kúıde 535 qylmys jasalǵan. Qoǵamdyq oryndardaǵy quqyqtyq tártipti kúzetýmen aınalysatyn ýchaskelik polıtsııa ınspektorlary men patrýldik polıtseılerdiń jumysy osyndaı oqıǵalardyń jolyn kesýge baǵyttalǵan», - deıdi SQO PD jergilikti polıtsııa qyzmeti basqarmasy bastyǵynyń orynbasary Aleksandr Rozbah.

Oblystyń ýchaskelik polıtsııa ınspektorlary 180 adamdy maskúnemdikten májbúrlep emdeýge jiberý úshin materıaldar jınady. Turǵyn mas kúıinde birneshe zań buzýshylyq jasaǵan jaǵdaıda polıtseıler olardy májbúrli emdeýge jiberýge quqy bar. Tártip saqshylary alkogolge táýeldi jandardyń jaqyn týystarynan, olardyń «túzelemin, qoıamyn» degen ýádelerine senbeı, emdelýge jiberý boıynsha sharalar qabyldaýyn suraıdy. Bul másele boıynsha ýchaskelik polıtsııa ınspektorynan keńes alýǵa bolady.




Joǵary qaraı