Aýa raıy
Astana -7 °S
Almaty -11 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da Keńes kezinen qalǵan eldimeken men kóshe ataýlary ózgertilmek

2020 jyldyń 22 qazan 2020 23:28

PETROPAVL. QazAqparat – Soltústik Qazaqstan oblysynda zamanǵa saı kelmeıtin, ıdeologııalyq turǵydan eskirgen eldimeken jáne kóshe ataýlary ózgertilmek, dep habarlaıdy QazAqparat tilshisi.

Qazir Aqjar aýdanyndaǵy 1 aýyldyq okrýg pen 2 eldi mekenniń ataýyn ózgertý máselesi ashyq normatıvtik-quqyqtyq aktiler ınternet portalynda halyq talqysyna túsken.

«Byltyr Aqjar aýdanynda Novosel aýyldyq okrýgin, Kommýnızm jáne Kıevskoe atalǵan eldimekenderdiń ataýlaryn ózgertý boıynsha turǵyndarmen jıyndar ótkizilip, jergilikti halyq olardy qaıta ataý boıynsha usynysty maquldap, qujat oblystyq onomastıkalyq komıssııaǵa joldandy. Bıyl tamyz aıynda oblystyq onomastıkalyq komıssııa Novosel aýyldyq okrýgin, Kommýnızm jáne Kıevskoe eldimekenderiniń ataýyn ózgertýdi qoldady.

Aqjar aýdanyndaǵy Novosel aýyldyq okrýgine Úlken qara oı okrýgi degen ataý qoıý usynylyp otyr. Al Kommýnızm aýylyn Baımyrzaǵa aýystyrý jáne Kıevskoe eldi-mekenine Kishi qara oı atyn berýdi josparlanyp otyr», - deıdi SQO ákimdiginiń mádenıet, arhıvter jáne qujattama basqarmasynyń bólim basshysy Ernııaz Sultanov.

Onomastıkalyq jumystar buǵan deıin elimizde ótýi tıis ulttyq sanaqqa baılanysty keıinge shegerilgen. Endi eldimekenderdi qaıta ataý jumystary jandandy.

«Ideologııalyq turǵydan eskirgen eldimeken, kóshelerdi qaıta ataý nemese olarǵa respýblıkaǵa tanymal, qazaq halqyna belgili tulǵalardyń esimin berý – bizdiń onomastıka baǵytyndaǵy jumysymyz. Qazirgi tańda 15 aýyldyq okrýgtiń 30-ǵa tarta aýyly keńestik kósem basshylarynyń atymen atalǵan. Áli de oblysta Lenın, Kırov, Ilıch atyndaǵy eldimekender kezdesedi. Ideologııalyq sıpatqa saı kelmeıtin oblysta 744 kóshe bar. Osy baǵytta aýdandar tarapynan jumystar júrgizilip jatyr», - deıdi Ernııaz Sultanov.

Máselen Esil aýdandyq ákimdigi áleýmettik jelidegi óz paraqshalarynda qarasha aıynyń ortasynda ıAvlenka eldimekenindegi birneshe kóshe ataýyn ózgertý boıynsha jıyn ótetinin habarlady. Halyq talqysyna Lenın, Ýrıtskıı, Chapaev, ors, Ordjonıkıdze, Sovet, Fýrmanov, Kırov, Frýnze, S.Lazo, Býdennyı, Proletar, S.Razına, K.Tsetkın, Vorovskıı kósheleriniń atyn aýystyrý máselesi usynylmaq.

«Respýblıka tarapynan, Prezıdent ákimshiligimen kelisilip, respýblıkalyq onomastıkalyq komıssııada maquldanǵan 345 uly tulǵalardyń tizimi bekitildi jáne 380 tarıhı jer-sý ataýlar tizimi bekitildi. Qazir ıdeologııalyq turǵydan eskirgen aýyl, kóshe, okrýgterdiń ataýyn ózgerterde osy tizimdi basshylyqqa alý qajet», - deıdi Ernııaz Sultanov.

Sońǵy ret SQO-da 2018 jyly Maǵjan Jumabaev atyndaǵy aýdanda 5 aýyldyq okrýg pen 3 eldimeken jáne Ýálıhanov aýdanynda 1 aýyldyń aty aýystyryldy.


Joǵary qaraı