Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da keler jyly eki mekteptiń qurylysy bastalady

2021 jyldyń 8 jeltoqsan 2021 16:51

PETROPAVL. QazAqparat – Soltústik Qazaqstan oblysynda bilim berýge bólingen bıýdjet sońǵy úsh jylda 1,5 esege ulǵaıdy, bıyl salaǵa 99 mlrd teńge jumsaldy, dep habarlaıdy QazAqparat tilshisi.

Óńirlik kommýnıkatsııalar qyzmetinde SQO bilim basqarmasynyń basshysy Názir Jáshibekov jyldy qorytyndylap, atqarylǵan jumystar jaıynda esep berip, josparlary týraly aıtty.

Aýyz toltyryp aıtarlyq jetistik jeterlik. Óńirde salany qarjylandyrý jyldan jylǵa ulǵaıyp keledi, bıyl 99 mlrd teńge bólindi. Nátıjesinde Petropavlda 900 oryndyq mektep salynyp, paıdalanýǵa berildi. Oblystyń 84 mektebi jańǵyrtyldy, onyń 52-si kúrdeli jóndeldi. Kitaphanalarǵa 171,7 mln teńgege kórkem ádebıet satyp alyndy. Mektep ashanalary jóndelip, kabınetterge jıhazdar alyndy, fızıka, bıologııa kabınetteri jaraqtandyryldy.

«Mektepke deıingi bilim berýmen 3-6 jastaǵy balalar 100% qamtylǵan. Bıyl 600 oryn ashylady dep josparlanǵan. Sondaı-aq Taıynsha aýdany Vıshnevka eldi mekenindegi apatty jaǵdaıda turǵan mekteptiń ornyna 120 oryndyq bilim ordasy salynyp jatyr. Keler jyly Petropavlda memlekettik-jekeshelik áriptestik aıasynda 1200 oryndyq jáne Taıynshada 600 oryndyq mektepterdiń qurylysy bastalady», - deıdi Názir Jáshibekov.

UBT boıynsha túlekterdiń ortasha baly – 74,8-di qurady. Nátıjesinde jastardyń 60%-y grantqa oqýǵa tústi. Qosymsha jergilikti bıýdjetten 11,6 mln teńge bólinip, veterınarııa, medıtsına, agronomııa, bilim, mal ónimderin óndirý tehnologııasy boıynsha 50 grant berildi.

Oblystaǵy 21 kolledjde mamandar dýaldy oqytý boıynsha daıarlanady. Qazir 285 kásiporynda 2 myńnan astam stýdent bilimin jetildirip jatyr.

«Jas maman» jobasy aıasynda eki jylda 2,5 mlrd teńgege 9 kolledjdiń materıaldyq-tehnıkalyq bazasy jańartyldy.

«Aýyldyq jerlerde balalardy mektepterge jetkizý máselesi de sheshilip jatyr. 2 jyl ishinde avtobýs parkine jańa 60 kólik alyndy. Kelesi jyly taǵy 29-y satyp alynbaq. Sondaı-aq oqýshylardyń qaýipsizdigi úshin 12 myńnan astam beınebaqylaý kameralary ornatylyp, barlyq mektep beınebaqylaý júıesine qosyldy», - deıdi basqarma basshysy.

Keler jyly Petropavl men aýdan ortalyqtarynyń mektepterine dabyl bastyrmalary ornatylyp, mamandandyrylǵan kúzetpen qamtamasyz etilmek.


Joǵary qaraı