Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da qaraýsyz mal jol-kólik apatyna sebepshi boldy

2021 jyldyń 8 jeltoqsan 2021 23:25

PETROPAVL. QazAqparat – Soltústik Qazaqstan oblysynda jol ústine shyǵyp ketken jylqylardy kórmeı qalǵan jeńil kólik júrgizýshisi malmen soqtyǵysty, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, «Kókshetaý-Omby» avtojolynyń Aqjar aýdanynda jylqylardyń qatysýymen jol-kólik oqıǵasy tirkeldi. «Lada Prıora» avtokóliginiń 18 jastaǵy júrgizýshisi Kishkenekól eldi mekeninen Kókshetaý qalasyna bet alǵan eken. Jolda aldynan jylqylar shyǵa kelgen. Soqtyǵysýdan qutylýǵa áreket jasaǵanymen, ol nátıje bermeı, bir jylqy kólik astyna túsip óldi. Oqıǵa ornyna kelgen polıtsııa qyzmetkerleri birneshe jylqynyń tabynnan bólinip ketkenin anyqtady.

Baqtashyǵa qatysty «Jaıaý júrginshilerdiń jáne jol júrisine ózge de qatysýshylardyń jol júrisi qaǵıdalaryn buzýy» boıynsha ákimshilik hattama toltyryldy.

«Maldy bos qoıa berýge tyıym salynǵan, polıtsııa ınspektorlary turǵyndarmen únemi túsindirý jumystaryn júrgizedi. Óıtkeni baǵýsyz júrgen maldar jol-kólik oqıǵalaryna jıi sebepker bolady. Sondyqtan ásirese eldi mekenderdiń mańynan ótkende saqtyq tanytyp, jyldamdyqty azaıtyp, jol júrisi qaǵıdalarynyń talaptaryn qatań ustanýdy suraımyz. Jyl basynan Aqjar aýdanynyń aýmaǵynda bos júrgen maldardyń ıelerine 158 hattama toltyryldy», ­­­­– deıdi Aqjar aýdany polıtsııa bóliminiń bastyǵy Erkin Mahmetov.

Oblys boıynsha jyl basynan beri QR Ákimshilik quqyq buzýshylyq týraly kodeksiniń 408-baby «Aýyl sharýashylyǵy janýarlaryn jaıý qaǵıdalaryn, ıtter men mysyqtardy asyraý jáne serýendetý qaǵıdalaryn, qańǵybas ıtter men mysyqtardy aýlaý jáne joıý qaǵıdalaryn buzý» boıynsha barlyǵy 2587 derek tirkeldi.


Joǵary qaraı