Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da karantın talabyn buzǵandarǵa 48 mln teńgege jýyq aıyppul salyndy

2021 jyldyń 20 qazan 2021 21:33

PETROPAVL. QazAqparat – Soltústik Qazaqstan oblysynda monıtorıng toptary bıyl 3,3 myń reıd ótkizip, 700-ge jýyq quqyq buzýshylyqty anyqtady, dep habarlaıdy QazAqparat tilshisi.

SQO sanıtarııalyq-epıedıologııalyq baqylaý departamenti baspasóz qyzmetiniń málimetinshe, búgingi kúni oblys boıynsha 23 monıtorıngtik top jumys isteıdi. Jyl basynan Petropavl qalasy jáne 13 aýdannyń aýmaǵynda monıtorıng toptary 3,3 myń reıd júrgizip, 22,5 myń nysandy tekserdi. Nátıjesinde karantındik jáne shekteý rejımin jáne sanıtarııalyq qaǵıdalardyń talaptaryn buzýdyń 694 deregi anyqtaldy.

«Jıi kezdesetin quqyq buzýshylyqtar - jeke tulǵalardyń maska taǵý rejımin buzýy, buqaralyq is-sharalardy ótkizý, dezınfektsııalyq rejımdi buzý, kelýshilerge maskasyz qyzmet kórsetý, nysandardyń jumys rejımin buzýy. Aýmaqtyq polıtsııa basqarmalarynan kelip túsken materıaldar jáne úılestirý ortalyqtarynan túsken shuǵyl habarlamalar boıynsha aýmaqtyq sanıtarııalyq-epıdemıologııalyq baqylaý basqarmalary kásipkerlik sýbektilerine 48 jospardan tys tekserý júrgizdi. Jalpy, talapty buzǵany úshin ákimshilik quqyq buzýshylyq týraly 706 hattama toltyryldy, 674 aıyppul salyndy. Aıyppuldardyń jalpy somasy - 47 797 871 teńge», - deıdi SQO sanıtarııalyq-epıedıologııalyq baqylaý departamenti tehnıkalyq reglamentterdiń talaptaryn baqylaý bóliminiń bas mamany Ádil Qurǵynbaev.

Sonyń ishinde aıyppul 2-ýi laýazymdy tulǵaǵa, 6 – zańdy tulǵalarǵa, 32 – jeke kásipkerge, 634 – jeke tulǵalarǵa salynǵan. 16 materıal sotqa joldansa, sonshasy quqyq buzýshylyqtyń eleýsiz bolýyna baılanysty toqtatyldy.

«Qazir óńir «qyzyl» aımaqta, epıdemıologııalyq jaǵdaı turaqsyz, sanıtarııalyq sharalardyń saqtalmaýynan koronavırýs juqtyrǵandardyń sany kúrt artýy múmkin. Adamdar kóp jınalatyn jerlerde maska taqpaı júretinder bar. QR jáne oblystyń Bas memlekettik sanıtarııalyq dárigerleriniń sanıtarııalyq qaǵıdalary men qaýlylaryna saı árqaısymyz maska kıip, áleýmettik ara qashyqtyqty saqtaýǵa mindettimiz. Jeke gıgıena talaptaryn umytpaı, ózimizdi ǵana emes, jaqyndarymyzdy da qaýipti ınfektsııadan qorǵaıyq», - deıdi Ádir Qurǵynbaev.


Joǵary qaraı