Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

SQO-da erteńnen bastap shekteý sharalary jeńildetiledi

2021 jyldyń 14 jeltoqsan 2021 13:34

PETROPAVL. QazAqparat – Soltústik Qazaqstan oblysynda epıdemıologııalyq jaǵdaıdyń jaqsarýyna baılanysty erteńnen bastap bas sanıtar dárigerdiń jańa qaýlysy qoldanysqa engizilmek, dep habarlaıdy QazAqparat tilshisi.

Óńirlik kommýnıkatsııalar qyzmetinde koronavırýs ınfektsııasynyń taralýy jáne vaktsınatsııa barysy boıynsha aǵymdaǵy jaǵdaı týraly baspasóz konferentsııasy ótti.

Oblystyq Sanıtarııalyq-epıdemıologııalyq baqylaý departamentiniń basshysy Áset Jumataevtyń aıtýynsha, óńirdiń «sary» aımaqta ornalasýyna baılanysty búgin óńirlik komıssııa sheshim qabyldap, erteńnen birqatar jeńildikter engizilmek.

Oblystyń memlekettik bas sanıtar dárigeriniń jańa qaýlysyna sáıkes Ashyq jobasyn engizbegen nysandar úshin:

1) Oıyn-saýyq ortalyqtary, saýda úıleri, saýnalar, SPA-ortalyqtar, basseınder, sport keshenderi, fıtnes-ortalyqtar senbi jáne jeksenbi kúnderi jumys isteıdi;

2) dinı nysandarda bir adamdy keminde 4 sharshy metrmen qamtı otyra, tolymdyqty 30 %-dan asyrmaı ujymdyq is-sharalar ótkizýge ruqsat beriledi;

3) mádenıet nysandarynda adam sanyn 30-dan asyrmaı jeke, toptyq daıyndyqtar uıymdastyrýǵa ruqsat etiledi;

4) sporttyq is-sharalardy zal tolymdylyǵyn 15 %-dan, teatrlar, kınoteatrlar, kontsert zaldarynyń jumysyn otyratyn oryndar sanyn 20 %-dan asyrmaı uıymdastyrýǵa ruqsat beriledi;

5) vaktsına almaǵan jaǵdaıda qyzmetkerlerdiń keminde 50 %-y qashyqtan jumys isteýge kóshiriledi. Al qyzmetkerleri COVID-19-ǵa qarsy egilgen jaǵdaıda talaptar qoıylmaıdy;

6) qoǵamdyq tamaqtaný nysandarynyń jumys ýaqyty saǵat 24.00-ge deıin uzartyldy, alaıdy tolymdyqty 50 %-dan jáne oryn sanyn 50-den asyrmaý qajet.

Ashyq jobasyn engizgen kásipkerlik nysandary:

1) jumys ýaqyty demalys jáne jumys kúnderi saǵat 01.00-ge deıin, Ashyq kóshbasshylaryna saǵat 03.00-ge deıin uzartylady;

Demalys kúnderi qyzmetkerler men kelýshilerde qaýipsiz «jasyl» mártebesi bolǵan jaǵdaıda (vaktsınatsııalaý, 7 táýlikten aspaıtyn teris nátıjesi bar PTR-test bolýy, KVI-ǵa qarsy vaktsınatsııalaýǵa turaqty medıtsınalyq qarsy kórsetilimderi bolýy nemese sońǵy 3 aı ishinde KVI-men aýyryp jazylǵan adamdar) nysandardyń jumysyna ruqsat beriledi;

2) qoǵamdyq tamaqtaný nysandary tolymdyqty 50 %-ǵa deıin, biraq 60 orynnan, banket zaldarynda (as berý úshin) tolymdyqty 30 %-ǵa deıin, biraq 50 orynnan asyrmaýy qajet;

3) karaoke tolymdyǵy 50 %-ǵa deıin, biraq 50 orynnan aspaıdy;

4) teatr, kınoteatrlar, kontsert zaldary otyratyn oryndar sanyn 40 %-dan asyrmaı jumys isteı alady;

5) bılıard, kompıýterlik klýbtar tolymdyqty 50 %-dan asyrmaýlary tıis.

Ashyq jobasyna qatysatyn áleýmettik-ekonomıkalyq nysandar qyzmetkerleri men kelýshilerde «jasyl» mártebesi bolǵan jaǵdaıda (vaktsınatsııalaýdan ótken, 7 táýlikten aspaıtyn teris nátıjesi bar PTR-test bolýy, KVI-ǵa qarsy vaktsınatsııalaýǵa turaqty medıtsınalyq qarsy kórsetilimderi bolýy nemese sońǵy 3 aı ishinde KVI-men aýyryp jazylǵan adamdar) jumys isteýine ruqsat etiledi:

1) saltanatty, estelik, otbasylyq is-sharalardy (banketter, úılený toılary, mereıtoılar) 50 %-ǵa deıin tolymdyqpen, 70 orynnan asyrmaı;

2) konferentsııalar, forýmdar, oıyn-saýyq jáne ózge de is-sharalardy 50 %-ǵa deıin tolymdyqpen, ada sanyn 70-ten asyrmaı;

3) kórmelerdi 70 % tolymdyqpen, bir ýaqytta 300 kelýshiden asyrmaı;

4) kórermenderi bar sporttyq is-sharalardy 70 % tolymdyqtan asyrmaı;

5) sport keshenderi, sporttyq-saýyqtyrý ortalyqtary 30 % tolymdyqtan asyrmaı jumys isteı alady;

6) dinı nysandar jabyq úı-jaıda ujymdyq Qudaıǵa qulshylyq etýdi 30 % tolymdyqtan asyrmaı;

7) kompıýterlik klýbtar otyratyn oryndar sanyn 70 %-dan asyrmaı toltyryp jumys isteı alady.


Joǵary qaraı