Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

SQO-da epıdahýalǵa baılanysty mobıldi brıgadalardyń sany artty

2022 jyldyń 19 qańtar 2022 14:23

PETROPAVL. QazAqparat – Soltústik Qazaqstan oblysy koronovırýstyń jańa tolqynyna ázir. Qazir ınfektsııalyq statsıonarlarda 1300 oryn bolsa, syrqattaný artqan jaǵdaıda ol 2,5 myńǵa deıin jetkizilmek, dep habarlaıdy QazAqparat tilshisi.

SQO densaýlyq saqtaý basqarmasynyń málimetinshe, koronavırýstyń jańa tolqynyna ázirlik barysynda aldaǵy tájirıbe negizge alyndy.

ıAǵnı qaýipti ınfektsııany juqtyrǵandar sany artqan jaǵdaıda statsıonarlardaǵy oryn sany da kóbeıtilmek. Ol úshin úsh stsenarıı ázirlengen.

Birinshi stsenarıı qazirgi jaǵdaımen baılanysty. Infektsııalyq statsıonarlarda 200-den astam syrqat bar, 1300 oryn 17 %-ǵa ǵana júktelgen.

Jalpy qazirgi ýaqytta oblysta 17 KVI statsıonar jumys isteıdi, onyń beseýi – Petropavlda ornalasqan.

Emdeý mekemelerinde 1300 ınfektsııalyq jáne 100 reanımatsııalyq oryn bar.

Ekinshi stsenarıı ınfektsııalyq statsıonarlarǵa túsken syrqattar sany 840-tan asqan jaǵdaıda qoldanylady. ıAǵnı qazirgi tósek-oryn 60 %-ǵa tolady.

Osy ýaqytta bir táýlik ishinde taǵy 504 naýqasqa qosymsha oryn ázirlenedi.

Osylaısha Covid-19 úshin ınfektsııalyq statsıonarlarda oryn sany 1904-ke jetedi, onyń 128-i jansaqtaý bólimshelerinde ornalasqan.

Al úshinshi stsenarıı jaǵdaı ýshyqqanda qolǵa alynbaq. Koronavırýs juqtyryp, statsıonarlarǵa túsken syrqattar sany 1140-tan asqan jaǵdaıda táýlik ishinde taǵy 639 tósek-oryn ashylady.

Osylaısha, oryn sany 2543-ke jetedi. Onyń 138-i jansaqtaý bólimshelerinde bolmaq.

Óńirde epıdemıologııalyq ahýaldyń nasharlaýyna baılanysty mobıldi brıgadalardyń sany 54-ten 88-ge deıin ulǵaıdy.

Qazir bir brıgada shamamen táýligine 10 shaqyrtýǵa barady. Jeltoqsan aıymen salystyrǵanda júkteme 12-ge deıin artqan.

KVI bar ambýlatorııalyq naýqastardyń sany odan ári ósip, bir brıgadaǵa artylǵan júkteme 15 shaqyrýdan asqan jaǵdaıda mobıldi brıgadalar sany 126-ǵa deıin ulǵaıtylatyn bolady.

Qazir barlyq medıtsınalyq uıymdarda KVI jáne vaktsınatsııa boıynsha ahýaldyq ortalyqtar uıymdastyrylǵan.


Joǵary qaraı