Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da emdeý mekemesine tsıfrlyq angıograf ornatyldy

2021 jyldyń 18 qańtar 2021 14:29

PETROPAVL. QazAqparat – Soltústik Qazaqstan oblystyq aýrýhanasyna ınsýlt pen ınfarkt kezinde kúrdeli ota jasaýǵa qajet zamanaýı tsıfrlyq angıograf ornatyldy, dep habarlaıdy QazAqparat tilshisi.

SQO ákimi baspasóz qyzmetiniń málimetinshe, qazir oblysta 3 angıograf qondyrǵysy bar. Byltyr osyndaı zamanaýı angıograf kardıologııa ortalyǵyna ornatyldy. Bir jylǵa jýyq ýaqyttyń ishinde apparatpen 1,2 myń ota jasalyp, myńnan astam adamnyń ómiri saqtaldy. Dárigerlerge mıǵa operatsııa jasaýǵa múmkindik berdi.

«Taǵy 4-shi angıografty satyp alý josparda bar, qondyrǵy salynyp jatqan kóp salaly aýrýhanaǵa ornatylady. Bul óńirdiń qajettiligin tolyǵymen jabady. Álemdik standarttarǵa sáıkes 150 myń adamǵa 1 angıograftan keledi.

Jalpy, ótken jyly qondyrǵylardy jańartýǵa 12 mlrd astam teńge jumsaldy. Bizdiń aýrýhanalar zamanaýı MRT, KT, ÝZI, rentgen, angıografpen tolyqty. Bıyl da tsıfrlyq mammograf, eki kompıýterlik tomograf jáne basqa da mańyzdy quraldar alynady», - deıdi óńir basshysy Qumar Aqsaqalov.

Densaýlyq saqtaý salasyna bólingen qarjyny ulǵaıtýdyń arqasynda kórsetkishter jaqsara tústi. Mysaly, onkologııa boıynsha ólim deńgeıi 13 %, ınfarkt 10 % tómendedi. Týberkýlezben aýyrǵandardyń sany 36 % azaıdy.

Buǵan deıin Petropavldaǵy jańa «Jas órken» yqsham aýdanynda 250 oryndyq emhananyń salynatynyn aıtqan edik.


Joǵary qaraı