Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da eki aptada koronavırýsty juqtyrý kórsetkishi 1,7 ese artty

2021 jyldyń 22 qazan 2021 13:50

PETROPAVL. QazAqparat – Soltústik Qazaqstan oblysynda sońǵy eki aptada koronavırýsty 2 myń adam juqtyryp, aýrýshańdyq 1,7 ese artty, dep habarlaıdy QazAqparat tilshisi.

SQO sanıtarııalyq-epıdemıologııalyq baqylaý departamentiniń basshysy Áset Jumataevtyń aıtýynsha, sońǵy 2 aptada onyń aldyndaǵy uqsas kezeńmen salystyrǵanda vırýs juqtyrý kórsetkishi 1,7 ese artqan, ıaǵnı 1 167-den 1 999-ǵa kóbeıgen. Óńirdiń barlyq aýdandarynda ósim bar.

«Reprodýktıvtik san 1-den asty, sońǵy 7 kúnde 100 myń turǵynǵa shaqqanda syrqattanýshylyq kórsetkishi 189,8-di qurady, bul Qazaqstan óńirlerindegi epıdemıologııalyq jaǵdaıdy baǵalaý matrıtsasyna sáıkes el boıynsha eń joǵary kórsetkish bolyp otyr, oblys 2 qazannan bastap «qyzyl» aımaqta ornalasqan. Eger aptalyq syrqattanýshylyq kórsetkishi 200-den assa, onda biz «qara-qyzyl» aımaqqa kóshemiz jáne barlyq kásiporyndardyń qyzmetin toqtatýǵa týra keledi», - deıdi Áset Jumataev.

Oblystyń bas sanıtar dárigeriniń pikirinshe, vaktsınatsııa qarqynynyń tómendeýi, turǵyndardyń saqtyq sharalaryn elemeýi, ásirese saltanatty is-sharalardy ótkizýdi tyımaý aýrýdyń kóbeıýine ákeldi.

«Oblysta birinshi komponentpen 248 299 adam egildi, táýligine 330-nan ekpe alady. 230 928 turǵyn ekinshi komponentpen egildi, táýliktik qamtý – 469. Bul – az. Oıyn-toı da tyıylatyn emes. Maska rejımin saqtamaıtyndar bar. Qazan aıynda 23 monıtorıngtik top 680 nysandy qamtı otyryp, 120 reıd júrgizdi. 15 tulǵa jaýapqa tartylyp, 948 myń teńge aıyppul salyndy. Ashyq jobasy arqyly úı karantıni talaptaryn buzýshylarǵa 3 mln teńgeden astam somaǵa 93 aıyppul salyndy. Buqaralyq aqparat quraldarynda ákimshilik aıyppuldardy tólegen 88 shekteý is-sharalaryn buzýshynyń esimi jarııalandy», - deıdi Áset Jumataev.


Joǵary qaraı