Aýa raıy
Astana 16 °S
Almaty 18 °S
valıýta baǵamy
USD 405.77
EUR 457.91
RUB 5.77
CNY 57.42

SQO-da egin oraǵy kezinde astyq urlaýdyń 50-den astam deregi tirkeldi

2019 jyldyń 11 qarasha 2019 11:56

PETROPAVL. QazAqparat – Soltústik Qazaqstan oblysynda egin oraǵy naýqanynda «Astyq» jedel-profılaktıkalyq is-sharasy ótip, osy aralyqta tártip saqshylary 52 qylmysty tirkedi, dep habarlaıdy QazAqparat tilshisi.

SQO Polıtsııa departamenti baspasóz qyzmetiniń málimetinshe, «Astyq» jedel-profılaktıkalyq is-sharasy bıyl da óńirde dástúrli túrde ótti. Onyń maqsaty – dıqandarǵa kómek kórsetip, astyqtyń, jaǵarmaıdyń jáne aýyl sharýashylyǵy tehnıkasy qosalqy bólshekteriniń urlyǵyna tosqaýyl qoıý.

Bul kezeńde polıtseıler negizgi kúshti sharýashylyqtarda jasalǵan urlyqtardy ashýǵa, aldyn alýǵa jumyldyrady. Aýyl sharýashylyǵy taýaryn óndirýshilerdiń júgi oblys joldarynda kedergisiz tasymaldanýy úshin mobıldi top ekıpajdary kúsheıtilgen tártipte kezekshilik atqarady.

«Oblystyń aýyl sharýashylyǵy qurylymdary basshylary men polıtsııanyń qyzmetteri arasynda birlese jumys isteý mehanızmderi jaqsy jolǵa qoıylǵan. Nátıjesinde bıyl asa iri urlyqtarǵa jol berlmedi. Іshindegi «eń iri urlyq» dep Jambyl aýdanyndaǵy oqıǵany aıtýǵa bolady. Qyrmannan 2 tonna arpanyń urlanǵany týraly kásipker aýdandyq polıtsııa bólimine aryzdanǵan edi», - deıdi SQO PD krımınaldy polıtsııa basqarmasynyń bastyǵy Petr Klımov.

Qyrman ıesi keltirilgen shyǵyndy 80 myń teńgege baǵalady. Jedel izdestirý is-sharalary barysynda tártip saqshylary osy qylmysqa qatysy bolýy múmkin 42 jastaǵy jergilikti turǵyndy agnyqtady. Ol sońǵy úsh jyl boıy aýyzsha kelisim boıynsha qyrmanda kólik júrgizip kelgen eken.

Urlanǵan astyq tabylyp, ıesine qaıtaryldy. Eki jaqtyń mámilege kelýimen is sotqa jetken joq.

Jalpy, «Astyq» jedel-profılaktıkalyq is-sharasy barysynda óńirde 52 qylmys tirkelse, sonyń 46-sy ashyldy.

Joǵary qaraı

Warning: file_put_contents(): Only 0 of 15740 bytes written, possibly out of free disk space in /home/admin/web/lenta.inform.kz/public_html/system/classes/Kohana/Core.php on line 920

Warning: file_put_contents(): Only 0 of 5633 bytes written, possibly out of free disk space in /home/admin/web/lenta.inform.kz/public_html/system/classes/Kohana/Core.php on line 920