Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da dıqandar ár gektardan shamamen 11 tsentnerden ónim alyp jatyr

2021 jyldyń 14 qyrkúıek 2021 14:10

PETROPAVL. QazAqparat – Soltústik Qazaqstan oblysynda eginniń 86,1 paıyzy destelendi, bıyl dıqandar ár gektardan orta eseppen 11 tsentnerge jýyq ónim alyp jatyr, dep habarlaıdy QazAqparat tilshisi.

SQO aýyl sharýashylyǵy jáne jer qatynastary basqarmasy baspasóz qyzmetiniń málimetinshe, bıyl barlyq egistik aýmaǵy 4,3 mln ga alyp jatyr.

Egis alqaptaryn ártaraptandyrý nátıjesinde kóktemde shamamen 1 mln ga maıly daqyl egildi.

2,9 mln ga bıdaı men dándi-burshaqty daqyldar sebilse, qalǵanyna kartop pen basqa da kókónis otyrǵyzylǵan.

«Qazirgi ýaqytta egin oraǵy qyzǵan, dıqandar ashyq kúnderdi paıdalanyp jatyr. Búginge deıin bıdaı men dándi-burshaqty daqyldardyń 2 578,9 myń ga nemese 86,1 %-y oryldy. Onyń 74,1 %-y bastyrylyp, 2 475,5 myń tonna ónim alyndy. Gektar shyǵymdylyǵy orta eseppen 10,7 tsentner», - deıdi SQO aýyl sharýashylyǵy jáne jer qatynastary basqarmasynyń bas mamany Narǵyz Aqjigitova.

Kúzgi oraq naýqanynda 7 156 kombaıyn jumys istep jatyr.

Onyń 4 myńǵa jýyǵynyń ónimdiligi joǵary, sondaı-aq alqap basynda destelegishi bar 4 800-ge jýyq tehnıka júr.

Bıylǵy ónimdi ysyrapsyz jınap alýǵa qosymsha 12 800 traktor, 9 600 traktor tirkemesi jáne 6 myńǵa jýyq júk kóligi tartyldy.


Joǵary qaraı